ஒவ்வொரு ஹீரோவுக்கும் ஒரு பொருத்தமான காமெடி நடிகர்கள் கோலிவுட் திரையுலகில் தானாகவே அமைந்துவிடும். அந்த வகையில் சிவகார்த்திகேயனுக்கு அமைந்த சிறப்பான காமெடி நடிகர் சூரி.

சிவகார்த்திகேயன் -சூரி இணைந்து நடித்த 'மனம் கொத்தி பறவை, வருத்தப்படாத வாலிபர் சங்கம், கேடி பில்லா கில்லாடி ரங்கா, ரஜினிமுருகன், போன்ற படங்கள் சூப்பர் ஹிட் என்பது அனைவரும் தெரிந்ததே. தற்போது பொன்ராம் இயக்கத்தில் உருவாகி வரும் படத்திலும் இருவரும் இணைந்து நடித்து வருகின்றனர்.

இந்த நிலையில் மதுரையில் கூட்டுக்குடும்பமாக வாழ்ந்து வரும் சூரி, தன்னுடைய சகோதரருக்காக மதுரையில் உணவகம் ஒன்றை இன்னும் சிலநாட்களில் துவங்கவுள்ளார். அந்த உணவகத்தை துவங்கி வைப்பதற்காக நடிகர் சிவகார்த்திகேயன் மதுரை சென்று நடிகர் சூரியின் உணவத்தை துவக்கி வைத்து வாழ்த்து தெரிவிக்கவுள்ளதாக கூறப்படுகிறது. திரையில் மட்டுமின்றி நிஜவாழ்விலும் இருவரும் நெருங்கிய நண்பர்களாக இருப்பதையே இது காட்டுகிறது.