அட்லியின் அடுத்த படத்தில் சிவகார்த்திகேயன்?
- IndiaGlitz, [Wednesday,September 09 2015]
வளர்ந்து வரும் இளம் நடிகர்களில் குறிப்பிடத்தக்க நடிகராக விளங்கி வரும் சிவகார்த்திகேயன் நடித்த 'ரஜினி முருகன்' திரைப்படம் 'யூ' சர்டிபிகேட் பெற்று நாளை மறுநாள் உலகம் முழுவதும் பிரமாண்டமாக ரிலீஸ் ஆகவுள்ளது. இந்த படத்தை அடுத்து சிவகார்த்திகேயன் அறிமுக இயக்குனர் பாக்யராஜ் இயக்கத்தில் ஒரு படத்தில் நடிக்க ஒப்பந்தமாகியுள்ளார் என்பதை ஏற்கனவே பார்த்தோம்.
இந்நிலையில் சிவகார்த்திகேயனை இயக்கும் அடுத்த இயக்குனர் இளையதளபதி விஜய்யை இயக்கி வரும் அட்லி என்ற தகவல் தற்போது வெளிவந்துள்ளது. அட்லி இயக்கி வரும் 'விஜய் 59' படத்தின் படப்பிடிப்பு பாதிக்கும் மேல் நிறைவு பெற்றதை அடுத்து இந்த படத்தை முடித்தவுடன் அவர், சிவகார்த்திகேயன் படத்தை இயக்குவார் என கூறப்படுகிறது.
அட்லி-சிவகார்த்திகேயன் இணையும் இந்த படத்தில் ஒளிப்பதிவாளராக பி.சி.ஸ்ரீராம் பணிபுரிவார் என கூறப்படுகிறது. இவர் ஏற்கனவே பாக்யராஜ் இயக்கும் சிவகார்த்திகேயன் படத்திலும் பணிபுரிகிறார் என்பது குறிப்பிடத்தக்கது. இந்த படம் தற்போது ஆரம்பகட்ட பேச்சுவார்த்தையில் இருப்பதாகவும், விரைவில் இந்த படம் குறித்த அதிகாரபூர்வமான தகவல் வெளிவரும் என்றும் கூறப்படுகிறது.