மணிரத்னம் அடுத்த படத்தில் சிவகார்த்திகேயன்?
- IndiaGlitz, [Wednesday,December 22 2021]
பிரபல இயக்குனர் மணிரத்னம் தயாரிக்கும் அடுத்த படத்தில் சிவகார்த்திகேயன் நடிக்க வாய்ப்பு இருப்பதாக கூறப்படுவதால் கோலிவுட் திரையுலகில் பெரும் பரபரப்பை ஏற்படுத்தி உள்ளது.
பிரபல இயக்குனர் மணிரத்தினம் அவர்களின் மெட்ராஸ் டாக்கீஸ் நிறுவனத்தின் தயாரிப்பில் உருவாகும் படத்தில் சிவகார்த்திகேயன் நடிக்க வாய்ப்பு இருப்பதாகவும் இதுகுறித்த பேச்சுவார்த்தை நடத்தப்பட்டு வருவதாகவும் கூறப்படுகிறது. மேலும் இந்த திரைபடத்தை ’பிச்சைக்காரன்’ பட இயக்குனர் சசி இயக்குவார் என்றும் இது குறித்த அறிவிப்பு விரைவில் வெளிவரும் கூறப்படுகிறது.
ஏற்கனவே கமல்ஹாசனின் ராஜ்கமல் இண்டர்நேஷனல் பிலிம்ஸ் நிறுவனத்தின் தயாரிப்பில் உருவாகும் ஒரு படத்தில் சிவகார்த்திகேயன் நடிப்பார் என்று கூறப்பட்டது. எனவே சிவகார்த்திகேயனின் அடுத்த படத்தை தயாரிப்பது கமல்ஹாசனா? அல்லது மணிரத்னமா? என்பதை பொறுத்திருந்துதான் பார்க்கவேண்டும்.
இந்த நிலையில் ’டான்’ என்ற திரைப்படத்தில் நடித்து முடித்துள்ள சிவகார்த்திகேயன் அடுத்ததாக ’அயலான்’ என்ற படத்திலும் நடித்து முடித்துள்ளார் என்பதும் இந்த இரண்டு படங்களும் அடுத்தடுத்து வெளியாக உள்ளது என்பதும் குறிப்பிடத்தக்கது.