சிவகார்த்திகேயன் நடித்த ’நம்ம வீட்டு பிள்ளை’ சமீபத்தில் வெளியாகி மிகப்பெரிய வெற்றி பெற்ற நிலையில் அவர் தற்போது ’ஹீரோ’ என்ற படத்தில் நடித்து முடித்துள்ளார். இந்த படம் இம்மாதம் 20ஆம் தேதி வெளியாகும் என எதிர்பார்க்கப்படுகிறது

இதனை அடுத்து இயக்குனர் ரவிக்குமார் இயக்கி வரும் படத்தில் தற்போது சிவகார்த்திகேயன் நடித்து கொண்டிருக்கின்றார். இந்த நிலையில் அவருடைய அடுத்த படம் குறித்த அறிவிப்பு சற்று முன் வெளியாகி உள்ளது

சிவகார்த்திகேயன் நடிக்கும் அடுத்த படத்தை சிவகார்த்திகேயனின் எஸ்கே புரடொக்சன்ஸ் நிறுவனமே தயாரிக்கிறது. இந்த நிறுவனத்துடன் இணைந்து கேஜேஆர் ஸ்டுடியோஸ் நிறுவனமும் இணைந்து தயாரிக்கிறது என்பது குறிப்பிடத்தக்கது. இந்த படத்தை நயன்தாரா நடித்த ’கோலமாவு கோகிலா’ என்ற படத்தை இயக்கிய நெல்சன் இயக்க உள்ளார்

அனிருத் இசையமைப்பில் உருவாகவிருக்கும் இந்த படத்தின் டைட்டில் ’டாக்டர்’ என்று அறிவிக்கப்பட்டுள்ளது. இதுகுறித்த அறிவிப்பை நடிகர் சிவகார்த்திகேயன் தனது சமூக வலைதள பக்கத்தில் அறிவித்துள்ளார். மேலும் இந்த படத்தின் படப்பிடிப்பு மிக விரைவில் தொடங்க இருப்பதாகவும் அதில் அறிவிக்கப்பட்டுள்ளது

சிவகார்த்திகேயன், நெல்சன், அனிருத் மற்றும் ஆகிய மூவரும் நெருங்கிய நண்பர்கள் என்பது குறிப்பிடத்தக்கது

Very happy to share that my next film will be with my dearmost friends @Nelson_director & @anirudhofficial titled as #DOCTOR ??‍⚕???? Once again happy to be associated with @kjr_studios ?? Shoot starts soon?? @SKProdOffl pic.twitter.com/W82ltJrbHK

— Sivakarthikeyan (@Siva_Kartikeyan) December 2, 2019