சிவகார்த்திகேயன் நடித்த ’அமரன்’ திரைப்படம் தீபாவளி அன்று வெளியாகி மிகப்பெரிய வெற்றி பெற்ற நிலையில் அவருடைய அடுத்த படம் வெளியாகும் தேதி குறித்த தகவல் கசிந்து உள்ளது.

சிவகார்த்திகேயன், சாய் பல்லவி நடிப்பில், ராஜ்குமார் பெரியசாமி இயக்கத்தில், உலகநாயகன் கமல்ஹாசன் தயாரிப்பில், ஜிவி பிரகாஷ் இசையில் உருவான ’அமரன்’ திரைப்படம் மிகப்பெரிய வெற்றி பெற்று 200 கோடி ரூபாய் வசூல் செய்த நிலையில் தற்போது சிவகார்த்திகேயன் ஏ ஆர் முருகதாஸ் இயக்கத்தில் உருவாகி வரும் ’எஸ்.கே 23’ இந்த படத்தில் நடித்து வருகிறார்.

இந்த படத்தின் படப்பிடிப்பு கடந்த சில மாதங்களாக நடைபெறுகின்ற நிலையில் அடுத்த கட்ட படப்பிடிப்பு விரைவில் தொடங்கும் என்றும் இன்னும் ஒரு சில மாதங்களில் இந்த படத்தின் படப்பிடிப்பு ஒட்டுமொத்தமாக நிறைவடைய போவதாகவும் தகவல் வெளியாகி உள்ளன.

இந்த நிலையில் இந்த படத்தை அடுத்த ஆண்டு மே மாதம் திரையில் வெளியிட படக்குழுவினர் திட்டமிட்டுள்ளதாகவும் இது குறித்து அறிவிப்பு விரைவில் வெளியாகும் என்றும் கூறப்படுகிறது

சிவகார்த்திகேயன் மற்றும் ருக்மணி வசந்த் ஆகிய இருவரும் நாயகன் நாயகியாக நடித்து வரும் இந்த படத்தில் வித்யூத் ஜம்வால், பிஜூ மேனன், சஞ்சய், விக்ராந்த் உள்ளிட்டோர் நடித்து வருகின்றனர். அனிருத் இசையில், சுதீப் மேனன் ஒளிப்பதிவில், ஸ்ரீகர் பிரசாத் படத்தொகுப்பில் உருவாகி வரும் இந்த படத்தை லட்சுமி மூவீஸ் நிறுவனம் தயாரித்து வருகிறது. இந்த படம் தமிழ் உள்பட பான் இந்திய மொழிகளில் சுமார் 200 கோடி ரூபாய் பட்ஜெட்டில் உருவாகி வருவதாக கூறப்படுகிறது.