நடிகர் சிவகார்த்திகேயன் தற்போது பொன்ராம் இயக்கத்தில் 'சீமராஜா' என்ற படத்தில் நடித்து முடித்துள்ளார். இந்த படத்தின் போஸ்ட் புரடொக்சன்ஸ் பணிகள் விறுவிறுப்பாக நடைபெற்று வரும் நிலையில் இந்த படம் வரும் விநாயகர் சதூர்த்தி தினத்தில் வெளியாகும் என்று அறிவிக்கப்பட்டுள்ளது.

இந்த நிலையில் சிவகார்த்திகேயன் அடுத்ததாக எம்.ராஜேஷ் இயக்கத்தில் ஒரு படமும், 'இன்று நேற்று நாளை' இயக்குனர் ரவிகுமார் இயக்கத்தில் ஒரு படமும் நடிக்கவுள்ளதாக செய்திகள் வெளிவந்தது. இருப்பினும் இந்த இரண்டு படங்களில் எது முதலில் தொடங்கும் என்பது குறித்த தகவல் இதுவரை இல்லை

இந்த நிலையில் இயக்குனர் ரவிகுமார் நாளை தனது அடுத்த படம் குறித்த முக்கிய தகவலை வெளியிடவுள்ளதாக அறிவித்துள்ளார். அனேகமாக அது சிவகார்த்திகேயனுடன் அவர் இணையும் படம் குறித்த அறிவிப்பாகத்தான் இருக்கும் என்று எதிர்பார்க்கப்படுகிறது. இதுகுறித்து ரவிகுமார் தனது சமூக வலைத்தளத்தில் கூறியதாவது:

'இன்று நேற்று நாளை' வெளியாகி இன்றோடு மூன்றாண்டு நிறைவுற்றது! கடந்த மூன்றாண்டுகளில் தமிழ்நிலப்பரப்பு தாங்கிவரும் அதிர்வுகளுக்கு காலப்பயணமே சாலச்சிறந்தது என்று தோன்றுகிறது! நிஜத்தில் அதற்கு வாய்ப்பில்லை. நிச்சயம் நாளையை நமதாக்குவோம்! எனது அடுத்த திரைப்படத்தின் மகிழ்ச்சியான அறிவிப்பை நாளை உங்களோடு பகிர்ந்துகொள்கிறேன்' என்று கூறியுள்ளார். நாளை அனேகமாக சிவகார்த்திகேயன் ரசிகர்களுக்கு ஒரு மகிழ்ச்சியான தகவல் கிடைக்கும் என்று எதிர்பார்க்கப்படுகிறது