சிவகார்த்திகேயன், சமந்தா நடிப்பில் உருவான 'சீமராஜா' படம் வரும் செப்டம்பர் 13ஆம் தேதி வெளியாகவுள்ள நிலையில் தற்போது அவர் ஒரே நேரத்தில் இரண்டு படங்களை இயக்க முடிவு செய்துள்ளார்.

சிவகார்த்திகேயன் நடிக்கும் ஒரு படத்தை 'இன்று நேற்று நாளை' இயக்குனர் ரவிகுமார் இயக்க இந்த படத்திற்கு ஏ.ஆர்.ரஹ்மான் இசையமைக்கின்றார்.

அதேபோல் சிவகார்த்திகேயன் இயக்கும் இன்னொரு படத்தை எம்.ராஜேஷ் இயக்க இந்த படத்தில் சிவகார்த்திகேயனுக்கு ஜோடியாக நயன்தாரா நடிக்கவுள்ளார். மேலும் இந்த படத்தில் சதீஷ், யோகிபாபு ஆகியோர் நடிக்கவுள்ளனர். ஞானவேல்ராஜா தயாரிக்கும் இந்த படத்திற்கு தினேஷ்கிருஷ்ணன் ஒளிப்பதிவு செய்யவுள்ளார்.

இந்த நிலையில் இன்று மாலை 5 மணிக்கு இந்த படத்தின் முக்கிய அறிவிப்பு வெளியாகவுள்ளதாக சற்றுமுன் ஸ்டுடியோக்ரீன் நிறுவனத்தின் சமூக வலைத்தள பக்கத்தில் அறிவிக்கப்பட்டுள்ளது. அனேகமாக இந்த படத்தின் இசையமைப்பாளர் குறித்த தகவல் அல்லது ஃபர்ஸ்ட்லுக் ரிலீஸ் தேதி குறித்த அறிவிப்பாக இருக்கும் என்று எதிர்பார்க்கப்படுகிறது.