விஜய்யை திடீரென சந்தித்த சிவகார்த்திகேயன்
- IndiaGlitz, [Wednesday,June 20 2018]
தளபதி விஜய் நடித்து வரும் 'தளபதி 62' திரைப்படத்தின் படப்பிடிப்பு சென்னை பின்னி மில்லில் நேற்று நடைபெற்றது. அதேபோல் நேற்றுடன் சிவகார்த்திகேயன் நடித்த 'சீமராஜா' படத்தின் படப்பிடிப்பும் முடிந்தது. நேற்று 'சீமராஜா' படத்தின் ஒருசில காட்சிகள் அதே பின்னி மில்லில் படமாக்கப்பட்டது. இந்த படப்பிடிப்பில் சிவகார்த்திகேயன் கலந்து கொண்டார்
இந்த நிலையில் விஜய் பின்னி மில்லின் இன்னொரு பகுதியில் இருப்பதை அறிந்த சிவகார்த்திகேயன் அவரை நேரில் சந்தித்து நாளை மறுதினம் வரவுள்ள அவருடைய பிறந்த நாளுக்கு வாழ்த்து தெரிவித்தார். அவருக்கு விஜய் நன்றி கூறினார்.
மேலும் இருவரும் சில நிமிடங்கள் தற்போதைய திரையுலகம் குறித்து பேசியதாகவும் மனம் விட்டு பல கருத்துக்களை பகிர்ந்து கொண்டதாகவும் கூறப்படுகிறது