'சீமராஜா'வுக்கு அடுத்த சிவகார்த்திகேயன் பட டீசர் ரிலீஸ் தேதி அறிவிப்பு
- IndiaGlitz, [Friday,August 17 2018]
சிவகார்த்திகேயன், சமந்தா நடிப்பில் பொன்ராம் இயக்கியுள்ள 'சீமராஜா' திரைப்படத்தின் படப்பிடிப்பு முடிந்து போஸ்ட் புரடொக்சன்ஸ் பணிகள் விறுவிறுப்பாக நடைபெற்று வரும் நிலையில் சிவகார்த்திகேயன் முதன்முதலாக 'கனா' என்ற படத்தை தயாரித்து வருகிறார் என்பது தெரிந்தது.
சிவகார்த்திகேயனின் நெருங்கிய நண்பரும் பிரபல பாடகருமான அருண்காமராஜ் இயக்கத்தில் உருவாகி வரும் இந்த படத்தில் சத்யராஜ் மற்றும் ஐஸ்வர்யா ராஜேஷ் தந்தை-மகள் கேரக்டர்களில் நடித்து வருகின்றனர். மேலும் சிவகார்த்திகேயனும் முக்கிய வேடத்தில் இந்த படத்தில் நடித்து வருகிறார்.
இந்த நிலையில் 'கனா' படத்தின் பாடல்கள் மற்றும் டீசர் ரிலீஸ் தேதி குறித்த அறிவிப்பை சிவகார்த்திகேயன் சற்றுமுன் தனது சமூக வலைத்தளத்தில் அறிவித்துள்ளார். இந்த படத்தின் டீசர் மற்றும் பாடல்கள் வரும் 23ஆம் தேதி வெளிவரவுள்ளது.
நடிகர் தர்ஷன் முக்கிய வேடத்தில் நடித்துள்ள இந்த படம், தினேஷ் கிருஷ்ணன் ஒளிப்பதிவில், திபு நினன் தாமஸ் இசையில், இளையராஜா கலையில் ஆண்டனி எல் ரூபன் படத்தொகுப்பில் உருவாகி வருகிறது.