இன்று மாலை 'ரெமோ' குறித்த முக்கிய அறிவிப்பு?
- IndiaGlitz, [Monday,May 09 2016]
சிவகார்த்திகேயன் நடித்த 'ரஜினிமுருகன்' சூப்பர் ஹிட் ஆனதால் அடுத்து அவர் நடித்து வரும் நகைச்சுவை திரைப்படமான 'ரெமோ' பெரும் எதிர்பார்ப்பை ஏற்படுத்தியுள்ளது. அதிலும் இந்த படத்தில் சிவகார்த்திகேயன் பெண் வேடம் உள்பட பல வேடங்களில் நடித்து வருகிறார் என்பது குறிப்பிடத்தக்கது.
பாக்யராஜ் கண்ணன் இயக்கி வரும் இந்த படத்தின் பெரும்பாலான படப்பிடிப்பு முடிந்துவிட்டதாக கூறப்படும் நிலையில் விரைவில் இந்த படத்தின் டீசர் மற்றும் இசைவெளியீடு, குறித்த தேதிகள் அறிவிக்கப்பட்டவுள்ளது.
இந்நிலையில் இந்த படத்தின் முக்கிய அறிவிப்பு ஒன்றை இன்று மாலை 4 மணிக்கு வெளியிட படக்குழுவினர் முடிவு செய்திருப்பதாக தகவல்கள் வெளிவந்துள்ளது. எனவே சிவகார்த்திகேயன் ரசிகர்கள் இன்று மாலை 4 மணிக்கு இணணயதளங்களில் தயாராக இருக்குமாறு கேட்டுக்கொள்ளப்படுகிறது.
சிவகார்த்திகேயன், கீர்த்தி சுரேஷ், சதீஷ், கே.எஸ்.ரவிகுமார் உள்ளிட்ட பலர் நடித்துள்ள இந்த படத்திற்கு அனிருத் இசையமைக்கின்றார். 24 ஏஎம் ஸ்டுடியோஸ் ஆர்.டி.ராஜா தயாரித்து வரும் இந்த படத்திற்கு பி.சி.ஸ்ரீராம் ஒளிப்பதிவு, ரூபன் படத்தொகுப்பும் செய்து வருகின்றனர்.