கோலிவுட் திரையுலகில் வளர்ந்து வரும் முன்னணி நடிகர்களில் ஒருவரான சிவகார்த்திகேயன் நடித்த 'ரஜினிமுருகன்' திரைப்படம் இன்று தணிக்கை அதிகாரிகளால் தணிக்கை செய்யப்பட்டது.

இந்த படத்தை பார்த்த தணிக்கை அதிகாரிகள் படத்தில் எந்த காட்சியையும் நீக்காமல் 'U' சர்டிபிகேட் அளித்துள்ளனர். இதனால் இந்த படத்திற்கு தமிழக அரசின் வரிவிலக்கு கிடைக்கும் வாய்ப்பு உள்ளதால் படக்குழுவினர் மிகுந்த மகிழ்ச்சியில் உள்ளனர்.

இன்று இந்த படத்தின் தணிக்கை முடிந்துவிட்டதால், வரும் 17ஆம் தேதி விநாயகர் சதுர்த்தி தினத்தில் இந்த படம் ரிலீஸ் ஆவது உறுதி செய்யப்பட்டுள்ளது.

சிவகார்த்திகேயன், கீர்த்தி சுரேஷ், ராஜ்கிரண், சூரி, சமுத்திரக்கனி, பேராசிரியர் ஞானசம்பந்தம், ரோபோ சங்கர் உள்பட பலர் நடித்துள்ள 'ரஜினிமுருகன்' திரைப்படத்தை இயக்குனர் பொன்ராம் இயக்கியுள்ளார். டி.இமான் இசையமைத்துள்ள இந்த படத்தை திருப்பதி பிரதர்ஸ் நிறுவனம் தயாரித்துள்ளது.