சிவகார்த்திகேயன் தயாரித்த முதல் படமான 'கனா' திரைப்படம் அவரது நெருங்கிய நண்பர்களில் ஒருவரான அருண்ராஜா காமராஜாவுக்காகவே தயாரிக்கப்பட்டதாக கூறப்பட்டது. அந்த படத்தை மிகப்பெரிய வெற்றி அடைய செய்து சிவகார்த்திகேயனுக்கு தனது நன்றிக்கடனை செலுத்தினார் அருண்ராஜா காமராஜ்

இந்த நிலையில் சிவகார்த்திகேயன் தயாரித்து நடிக்கவுள்ள அடுத்த படத்தையும் அவருடைய நெருங்கிய நண்பர்களில் ஒருவராகிய நெல்சன் இயக்கவுள்ளார். இவர் ஏற்கனவே நயன்தாரா நடித்த 'கோலமாவு கோகிலா' படத்தை இயக்கியவர் என்பது குறிப்பிடத்தக்கது

இயக்குனர்கள் எம்.ராஜேஷ், ரவிகுமார், பி.எஸ்.மித்ரன் ஆகியோர்கள் இயக்கத்தில் நடித்து வரும் சிவகார்த்திகேயன், விரைவில் இயக்குனர்கள் பாண்டிராஜ் மற்றும் விக்னேஷ் சிவன் ஆகியோர்களின் இயக்கத்தில் உருவாகவுள்ள படங்களில் நடிக்கவுள்ளார். இந்த நிலையில் இந்த பட்டியலில் தற்போது நெல்சன் இணைந்துள்ளார் என்பது குறிப்பிடத்தக்கது