நயன்தாராவுக்காக பாடலாசிரியராக மாறிய பிரபல நடிகர்
- IndiaGlitz, [Saturday,May 12 2018]
லேடி சூப்பர் ஸ்டார் நயன்தாரா நடித்து வரும் படங்களில் ஒன்று 'கோலமாவு கோகிலா' என்பதும், இந்த படத்தின் படப்பிடிப்பு விறுவிறுப்பாக நடைபெற்று வருகிறது என்பதும் தெரிந்ததே. இந்த நிலையில் இந்த படத்தின் முதல் சிங்கிள் பாடல் ஏற்கனவே வெளிவந்து சூப்பர் ஹிட் ஆகிய நிலையில் இரண்டாவது சிங்கிள் படம் வரும் 17ஆம் தேதி வெளியிடவுள்ளதாக இந்த படத்தின் இசையமைப்பாளர் அனிருத் ஏற்கனவே அறிவித்திருந்தார் என்பது குறித்த செய்தியை பார்த்தோம்
இந்த நிலையில் இந்த பாடலை நடிகர் சிவகார்த்திகேயன் எழுதியுள்ளதாக தற்போது தெரிய வந்துள்ளது. இதுகுறித்த வீடியோ ஒன்றை அனிருத் தனது சமூக வலைத்தளத்தில் பதிவு செய்துள்ளார். அந்த வீடியோவில் அனிருத் கம்போஸ் செய்யும் பாடலுக்கு சிவகார்த்திகேயன் பாடல் வரிகள் எழுதுவது போன்ற காட்சி உள்ளது. 'எனக்கு இப்ப கல்யாண வயசுதான் வந்துடுச்சுடி' என்று இந்த பாடலின் வரிகள் தொடங்குவதாகவும் அந்த வீடியோவில் குறிப்பிடப்பட்டுள்ளது.
நடிகர், தயாரிப்பாளர் ஆகியவற்றை அடுத்து பாடலாசிரியாராக, அதுவும் நயன்தாரா படத்திற்காக பாடலாசிரியராக சிவகார்த்திகேயன் மாறியுள்ளது அனைவருக்கும் ஆச்சரியத்தை ஏற்படுத்தியுள்ளது. மேலும் சிவகார்த்திகேயன் நடிக்கும் அடுத்த படத்தின் நாயகி நயன்தாரா என்பதும் இங்கே குறிப்பிடத்தக்கது