ரஜினி, விஜய்க்கு பின் சிவகார்த்திகேயன். பிரபல விநியோகிஸ்தர்
- IndiaGlitz, [Wednesday,October 12 2016]
சிவகார்த்திகேயன் நடித்த 'ரெமோ' திரைப்படம் கடந்த வாரம் வெளியாகி மாபெரும் வெற்றி பெற்றுள்ள நிலையில் நேற்று சென்னையில் இந்த படத்தின் நன்றி அறிவிப்பு விழா நடந்தது. இதுவரை கோலிவுட்டில் சக்சஸ் மீட் என்று மட்டுமே நடந்து வந்த நிலையில் முதன்முதலாக நன்றி அறிவிப்பு விழா நடந்துள்ளது என்பது குறிப்பிடத்தக்கது.
இந்நிலையில் இந்த விழாவில் கலந்து கொண்ட 35 வருட விநியோகிஸ்த அனுபவம் உள்ள திருப்பூர் சுப்பிரமணியம், ரஜினி நடித்த 'சிவாஜி' படத்திற்கு பின்னர் மினிமம் கேரண்டி முறையில் நான் வெளியிடும் படம் 'ரெமோ'தான் என்று கூறியுள்ளார். மினிமம் கேரண்டி முறையில் சதவீத அடிப்படையில் திரையரங்க உரிமையாளர்கள் இந்த படத்தை திரையிட்டுள்ளதால், அதிகளவுக்கு டிக்கெட் கட்டணம் வசூலிப்பது தவிர்க்கப்பட்டுள்ளதாக திருப்பூர் சுப்பிரமணியம் கூறியுள்ளார்.
மேலும் தியாகராஜ பாகவதர், எம்.ஜி.ஆர், ரஜினிகாந்த், விஜய் ஆகியோர்களை அடுத்து குழந்தைகளை கவரும் நாயகன் சிவகார்த்திகேயன் தான். அதுமட்டுமின்றி மெகா வசூலில் ரஜினி, விஜய்க்கு அடுத்த இடத்தை சிவகார்த்திகேயன் மிகக்குறுகிய காலத்தில் பெற்றுள்ளார்' என்றும் அவர் கூறியுள்ளார்.