நடிகர் சிவகார்த்திகேயன் நடித்துவரும் ’எஸ்கே 21’ படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தின் டைட்டில் உடன் கூடிய பர்ஸ்ட்லுக் போஸ்டர் வரும் 17ஆம் தேதி வெளியாகும் என்று செய்திகள் வெளியாகியுள்ளதை அடுத்து ரசிகர்கள் உற்சாகமாகி உள்ளனர்.

உலகநாயகன் கமல்ஹாசனின் ராஜ்கமல் பிலிம்ஸ் இன்டர்நேஷனல் நிறுவனத்தின் தயாரிப்பில், ராஜ்குமார் பெரியசாமி இயக்கத்தில் உருவாகி வரும் திரைப்படம் எஸ்கே 21’. சிவகார்த்திகேயன் ஜோடியாக சாய் பல்லவி நடித்துவரும் இந்த படத்தின் படப்பிடிப்பு காஷ்மீர், சென்னை உள்ளிட்ட பல பகுதிகளில் படமாக்கப்பட்ட நிலையில் தற்போது இந்த படத்தின் படப்பிடிப்பு இறுதி கட்டத்தை நெருங்கி உள்ளது.

இந்த நிலையில் வரும் 17ஆம் தேதி சிவகார்த்திகேயன் பிறந்த நாள் என்பதால் அன்றைய தினத்தில் இந்த படத்தின் டைட்டிலுடன் கூடிய பர்ஸ்ட்லுக் போஸ்டரை வெளியிட படக் குழுவினர் திட்டமிட்டுள்ளதாக தகவல் வெளியாகி உள்ளது. இதனை அடுத்து ரசிகர்கள் இந்த படத்தின் டைட்டில் என்ன என்பதை அறிய ஆவலுடன் உள்ளனர்.

மேலும் இந்த படத்தின் அடுத்தடுத்த அப்டேட்டுகள் தொடர்ந்து வரும் என்றும் டீசர் ட்ரைலர் மற்றும் ஆடியோ விழா ஆகியவை குறித்த அறிவிப்பு அடுத்தடுத்து வெளியாகும் என்றும் எதிர்பார்க்கப்படுகிறது.