சிவகார்த்திகேயனின் அடுத்த சொந்த படம்.. சூப்பர் அறிவிப்பு..!
- IndiaGlitz, [Thursday,March 09 2023]
சிவகார்த்திகேயன் இதுவரை 5 சொந்த படங்களை தனது எஸ்கே புரொடக்சன்ஸ் நிறுவனத்தின் மூலம் தயாரித்து உள்ள நிலையில் 6வது ஆறாவது தயாரிப்பு திரைப்படம் குறித்த அறிவிப்பு இன்று மாலை வெளியாகும் என அறிவிக்கப்பட்டுள்ளது.
நடிகர் சிவகார்த்திகேயன் தமிழ் திரை உலகின் முன்னணி நடிகர் மட்டுமின்றி பாடலாசிரியராகவும் தயாரிப்பாளராகவும் இருந்து வருகிறார் என்பது தெரிந்ததே. அவரது எஸ்கே புரடொக்சன்ஸ் நிறுவனத்தின் தயாரிப்பில் உருவான முதல் திரைப்படமான ‘கனா’ என்ற படத்தை அவரது நெருங்கிய நண்பர்களில் ஒருவரான அருண்ராஜா காமராஜ் இயக்கியிருந்தார்.
இந்த படம் மிகப்பெரிய வெற்றி பெற்ற நிலையில் இதனை அடுத்து அவர் ’நெஞ்சம் உண்டு நேர்மை உண்டு ஓடு ராஜா’ ’வாழ்’ ’டாக்டர்’ மற்றும் ’டான்’ ஆகிய திரைப்படங்களை தயாரித்திருந்தார்.
இந்த நிலையில் எஸ்கே புரடொக்சன்ஸ் நிறுவனம் தயாரிக்கும் அடுத்த திரைப்படத்தின் அதிகாரப்பூர்வ அறிவிப்பு இன்று மாலை 5 மணிக்கு வெளியாகும் என்று அறிவிக்கப்பட்டு இதுகுறித்த வீடியோவும் வெளியாகியுள்ளது. இந்த படத்தில் சிவகார்த்திகேயனே நடிப்பாரா? அல்லது வேறு பிரபல நடிகர் யாரேனும் நடிக்க உள்ளார்களா? என்பதை பொறுத்திருந்து பார்ப்போம்.
📢 We are thrilled to announce an exciting update on our next film today at 5 PM.
— Sivakarthikeyan Productions (@SKProdOffl) March 9, 2023
Stay tuned for more details! Cant wait to share our latest project with you!!#SKPProductionNo6 pic.twitter.com/7FTV97mpp8