சிவகார்த்திகேயன் அடுத்த பட வில்லன் இந்த பிரபல இயக்குனரா?
- IndiaGlitz, [Friday,June 03 2022]
நடிகர் சிவகார்த்திகேயன் நடித்த ’டாக்டர்’ மற்றும் ’டான்’ ஆகிய இரண்டு திரைப்படங்களும் அடுத்தடுத்து 100 கோடி ரூபாய் வசூல் செய்து சாதனை செய்துள்ள நிலையில் தற்போது அவர் பிரபல தெலுங்கு இயக்குனர் அனுதீப் இயக்கத்தில் ’எஸ்கே 21’ என்ற படத்தில் நடித்து வருகிறார். இந்த படத்தின் படப்பிடிப்பு கிட்டத்தட்ட முடிந்து விட்டது.
இந்த நிலையில் அடுத்ததாக கமல்ஹாசன் தயாரிப்பில் ராஜ்குமார் பெரியசாமி இயக்கத்தில் ’எஸ்கே 22’ படத்திலும், ‘மண்டேலா’ இயக்குனர் அஸ்வின் இயக்கத்தில் ’எஸ்கே 23’ படத்திலும் சிவகார்த்திகேயன் நடிக்கவுள்ளார்.
இந்த நிலையில் ’எஸ்கே 23’ திரைப்படம் நையாண்டி, அரசியல் கதையம்சம் கொண்ட படம் என்றும், இந்த படத்தில் இயக்குனர் மிஷ்கின் வில்லனாக நடிக்க வாய்ப்பு இருப்பதாகவும் இது குறித்த பேச்சுவார்த்தை நடைபெற்று வருவதாகவும் கூறப்படுகிறது .
மேலும் இந்த படத்தில் சிவகார்த்திகேயன் ஜோடியாக பிரபல பாலிவுட் நடிகை கியாரா அத்வானி நடிக்க இருப்பதாகவும் தகவல்கள் வெளியாகியுள்ளன. மேற்கண்ட தகவல்கள் குறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.