சிவகார்த்திகேயனின் 'பிரின்ஸ்' 3வது சிங்கிள் பாடல்.. எழுதி, பாடியது இந்த பிரபலமா?
- IndiaGlitz, [Thursday,October 13 2022]
சிவகார்த்திகேயன் நடித்த ‘பிரின்ஸ்’ திரைப்படம் வரும் தீபாவளி அன்று வெளியாக இருக்கும் நிலையில் இந்த படத்தின் படப்பிடிப்பு மற்றும் தொழில்நுட்ப பணிகள் முடிவடைந்தது என்பதும் இந்த படம் சென்சார் சென்று ’யூ’ சான்றிதழ் பெற்றுள்ளது என்பதும் தெரிந்ததே
இந்த நிலையில் இந்த படத்தில் இடம்பெற்ற இரண்டு பாடல்கள் அடுத்தடுத்து வெளியாகி மிகப்பெரிய வரவேற்பை பெற்ற நிலையில் தற்போது மூன்றாவது சிங்கிள் பாடல் நாளை மாலை 5 மணிக்கு வெளியாக இருப்பதாக படக்குழுவினர் அறிவித்துள்ளனர்
’Who Am I’ என்று தொடங்கும் இந்த பாடலை எழுதி பாடியது பிரபல பாடகர் அறிவு என்று அறிவிக்கப்பட்டுள்ளது. தமன் இசையில் உருவாகியுள்ளஇந்த பாடல் நிச்சயம் ஏற்கனவே வெளியான இரண்டு பாடல்கள் போல் ரசிகர்கள் மத்தியில் வரவேற்பை பெறும் என்று எதிர்பார்க்கப்படுகிறது.
சிவகார்த்திகேயன், மரியா, சத்யராஜ் உள்பட பலர் நடித்துள்ள இந்த படம் தமிழ் தெலுங்கு ஆகிய இரண்டு மொழிகளில் உருவாகியுள்ளது என்பதும் அனுதீப் இயக்கத்தில் உருவாகியுள்ள இந்த படத்தை கோபுரம் பிலிம்ஸ் நிறுவனம் தமிழகத்தில் ரிலீஸ் செய்ய உள்ளது என்பது குறிப்பிடத்தக்கது. ஜிகே விஷ்ணு ஒளிப்பதிவில் ப்ரவீண் படத்தொகுப்பில் உருவாகியுள்ள இந்த படம் நிச்சயம் சிவகார்த்திகேயனின் அடுத்த வெற்றிப்படமாக இருக்கும் என கருதப்படுகிறது.