ஒருபோதும் அடங்காதே, ஓரடி எடுத்து வைத்தால் விடுதலை காற்று: 'மாவீரன்' சிங்கிள் பாடல்..!
- IndiaGlitz, [Friday,July 07 2023]
சிவகார்த்திகேயன் நடித்த 'மாவீரன்’ திரைப்படம் வரும் 14ஆம் தேதி திரையரங்குகளில் வெளியாக இருக்கும் நிலையில் இந்த படத்தில் இடம்பெற்ற சிங்கிள் பாடல் ஏற்கனவே வெளியானது என்பதை பார்த்தோம். சிவகார்த்திகேயன் மற்றும் அதிதி ஷங்கர் பாடியிருந்த அந்த பாடல் மிகப்பெரிய அளவில் வைரல் ஆனது.
இந்த நிலையில் இந்த படத்தின் அடுத்த பாடல் ’வா வீரா’ என்ற பாடல் சற்றுமுன் வெளியாகி இணையத்தில் வைரல் ஆகி வருகிறது. யுகபாரதி எழுதிய இந்த பாடலை பரத் சங்கர் கம்போஸ் செய்துள்ளார். இந்த பாடலை பரத் சங்கர் மற்றும் வைக்கம் விஜயலட்சுமி ஆகியோர் பாடியுள்ளனர். இந்த பாடல் தற்போது இணையத்தில் வைரல் ஆகி வருகிறது. இந்த பாடலின் முதல் ஒரு சில வரிகள் இதோ:
அந்த வானத்தில நீந்தும் மேகத்துக்கு
நான் சொல்லும் கதை தெரியுமா?
இந்த பூமியில உள்ள சாமிக்கெல்லாம்
நான் கத்தி சொன்னா கேட்குமா?
இருளை பாக்காம வெளிச்சம் தெரியாதா?
வலியை தாங்காம வாழ்க்கை புரியாதா?
எத்திசையும் கேட்டிருக்கேன் வழியே கிடையாதா?
கண்ணை திறந்து காத்திருக்கேன், ஒருநாள் விடியாதா?
ஒருபோதும் அடங்காதே, ஓரடி எடுத்து வைத்தால்
விடுதலை காற்று வானில் ஏற்றுமே
வா வீரா வீரா.. வா வீரா வீரா.. வா வீரா..வீரா...
சிவகார்த்திகேயன் ஜோடியாக அதிதி ஷங்கர் நடித்துள்ள 'மாவீரன்’ படத்தில் மிஷ்கின், யோகி பாபு, சுனில்,சரிதா, குக் வித் கோமாளி பிரபலம் மோனிஷா உள்பட பலர் நடித்துள்ளனர். தமிழ் தெலுங்கு மொழிகளில் உருவாகி வரும் இந்த படம் விது அய்யனார் ஒளிப்பதிவில் ஃபிலோமின்ராஜ் படத்தொகுப்பில் உருவாகியுள்ளது.