பாசிட்டிவ் விமர்சனம் எதிரொலி.. முதல் நாள் 'மாவீரன்' வசூல் இத்தனை கோடியா?
- IndiaGlitz, [Saturday,July 15 2023]
சிவகார்த்திகேயன் நடித்த ‘மாவீரன்’ திரைப்படம் நேற்று பெரும் எதிர்பார்ப்புகளுக்கு இடையே வெளியான நிலையில் இந்த படம் ஏராளமான பாசிட்டிவ் விமர்சனங்களை பெற்று வருகிறது. யூடியூப் விமர்சகர்கள் மற்றும் படம் பார்த்த ரசிகர்கள் இந்த படத்தை கொண்டாடி வருகின்றனர் என்பதும் சிவகார்த்திகேயனுக்கு இன்னொரு வெற்றி படம் உறுதி செய்யப்பட்டுள்ளது என்பது தெரியவந்துள்ளது.
இந்த நிலையில் நேற்றைய முதல் நாள் வசூல் குறித்த தகவல் தற்போது வெளியாகியுள்ள நிலையில் இந்த படம் முதல் நாள் 9 கோடி ரூபாய் வசூல் செய்துள்ளதாக கூறப்படுகிறது. உலகம் முழுவதும் ஹாலிவுட் திரைப்படம் ‘மிஷன் இம்பாஸிபிள் வெளியாகி வசூலில் சக்கை போடு போட்டாலும், ‘மாவீரன்’ படம் மிஷன் இம்பாஸிபிள்’ படத்தால் எந்தவித பாதிப்பும் இன்றி நல்ல வசூலை முதல் நாள் பெற்றுள்ளது என்பது குறிப்பிடத்தக்கது.
மேலும் இன்றும் நாளையும் விடுமுறை நாள் என்பதால் முதல் மூன்று நாட்களில் 30 கோடி ரூபாய் வசூலை நெருங்கும் என்றும் எதிர்பார்க்கப்படுகிறது. ’பிரின்ஸ்’ என்ற தோல்வி படத்தை கொடுத்த சிவகார்த்திகேயன் மீண்டும் ‘மாவீரன்’ படத்தின் மூலம் தனது வெற்றியை கோலிவுட்டில் உறுதி செய்துள்ளார் என்பது குறிப்பிடத்தக்கது.
சிவகார்த்திகேயன் ஜோடியாக அதிதி ஷங்கர் நடித்துள்ள 'மாவீரன்’ படத்தில் மிஷ்கின், யோகி பாபு, சுனில் உள்பட பலர் நடித்து வருகின்றனர். மேலும் நடிகை சரிதா ஒரு முக்கிய குணச்சித்திர கேரக்டரில் நடித்துள்ளார். தமிழ் தெலுங்கு மொழிகளில் உருவாகியுள்ள இந்த படத்திற்கு பரத் ஷங்கர் இசையமைத்து வருகிறார். விது அய்யனார் ஒளிப்பதிவில் ஃபிலோமின்ராஜ் படத்தொகுப்பில் இந்த படம் உருவாகியுள்ளது.