சிவகார்த்திகேயனின் 'ஹீரோ' பர்ஸ்ட்லுக் போஸ்டர் ரிலீஸ்
- IndiaGlitz, [Monday,September 02 2019]
நடிகர் சிவகார்த்திகேயன் தற்போது 'நம்ம வீட்டுப் பிள்ளை' மற்றும் 'ஹீரோ' ஆகிய இரண்டு படங்களில் நடித்து முடித்துள்ள நிலையில் 'நம்ம வீட்டு பிள்ளை' படம் இம்மாதம் வெளியாக உள்ளது. இந்த நிலையில் பிஎஸ் மித்ரன் இயக்கியுள்ள' ஹீரோ' திரைப்படத்தின் படப்பிடிப்பு முடிவடைந்து தற்போது போஸ்ட் புரொடக்ஷன் பணிகள் நடைபெற்று வருவதால் இவ்வருட இறுதியில் இந்த படம் வெளியாகும் என எதிர்பார்க்கப்படுகிறது.
இந்த நிலையில் 'ஹீரோ' படத்தின் பர்ஸ்ட் லுக் போஸ்டர் இன்று வெளியாகும் என நேற்றே அறிவிக்கப்பட்டிருந்த நிலையில் சற்று முன் இந்த படத்தின் அட்டகாசமான ஃபர்ஸ்லுக் போஸ்டர் வெளியாகி உள்ளது. இந்த படத்தின் போஸ்டரில் இருந்து இந்த படம் ஒரு பிரம்மாண்டமான படைப்பு என்பது தெரியவருகிறது.
'இரும்புத்திரை' திரைப்படம் போலவே இந்த படமும் டெக்னாலஜி சம்பந்தப்பட்ட குற்றச் செயல்கள் குறித்த கதையம்சம் கொண்டது என்பது குறிப்பிடத்தக்கது. யுவன் சங்கர் ராஜா இசையில் உருவாகியுள்ள இந்தப் படத்தை கேஜேஆர் நிறுவனம் தயாரித்துள்ளது. சீமராஜா, மிஸ்டர் லோக்கல் ஆகிய திரைப்படங்கள் எதிர்பார்த்த வெற்றியைப் பெறாத நிலையில் சிவகார்த்திகேயனின் அடுத்த வரும் படங்களான 'நம்ம வீட்டு பிள்ளை' மற்றும் 'ஹீரோ' ஆகிய திரைப்படங்கள் பெரும் வெற்றியை கொடுக்கும் என எதிர்பார்க்கப்படுகிறது.