சிவகார்த்திகேயன் நடித்த ’டான்’ திரைப்படத்தின் படப்பிடிப்பு சமீபத்தில் முடிவடைந்தது என்பதும் அவர் தனது டப்பிங் பணியையும் முடித்து விட்டதாக டுவிட்டர் பக்கத்தில் வெளியிட்டு இருந்தார் என்பதையும் ஏற்கனவே பார்த்தோம்.

இந்த நிலையில் தற்போது ’டான்’ படத்தின் மாஸ் அப்டேட் ஒன்றை சிவகார்த்திகேயன் தனது டுவிட்டர் பக்கத்தில் வெளியிட்டுள்ளார். ’டான்’ படத்தின் பர்ஸ்ட் லுக் போஸ்டர் நாளை மாலை 5 மணிக்கு வெளியாகும் என அவர் அறிவித்துள்ளார். இதனை அடுத்து சிவகார்த்திகேயன் ரசிகர்கள் குஷியில் உள்ளனர் என்பது குறிப்பிடத்தக்கது.

சிவகார்த்திகேயனின் ’டான்’ படத்தின் ஃபர்ஸ்ட்லுக் போஸ்டர் குறித்த அறிவிப்பில் அவர் புதிய போஸ்டர் ஒன்றையும் தனது டுவிட்டர் பக்கத்தில் வெளியிட்டுள்ளார் என்பதும், அந்த போஸ்டர் தற்போது வைரலாகி வருகிறது என்பதும் குறிப்பிடத்தக்கது. சிவகார்த்திகேயன் நடித்த ’டாக்டர்’ திரைப்படம் மிகப் பெரிய வெற்றி பெற்ற நிலையில் ’டான்’ திரைப்படமும் அதே போன்ற வெற்றியை பெறும் என்று எதிர்பார்க்கப்படுகிறது.

சிவகார்த்திகேயன் மற்றும் லைக்கா நிறுவனமும் இணைந்து தயாரித்துள்ள இந்தப் படத்தில் சிவகார்த்திகேயன், பிரியங்கா அருள்மோகன், எஸ்ஜே சூர்யா, சமுத்திரக்கனி, சூரி, பாலசரவணன் காளி வெங்கட், ஷிவாங்கி உள்பட பலர் நடித்துள்ளனர்.
 

#DONFristLook from tomorrow ?? pic.twitter.com/8Oo8xGNETJ

— Sivakarthikeyan (@Siva_Kartikeyan) November 9, 2021