சிவகார்த்திகேயன் நடித்த ‘டாக்டர்’ திரைப்படம் அக்டோபர் 9ஆம் தேதி வெளியாகும் என சமீபத்தில் அதிகாரபூர்வமாக அறிவிக்கப்பட்டது என்பதை ஏற்கனவே பார்த்தோம். இந்த நிலையில் சற்று முன்னர் இந்த படத்தின் டிரைலர் ரிலீஸ் தேதி குறித்த தகவல் வெளிவந்துள்ளது.

சிவகார்த்திகேயன் நடித்த ‘டாக்டர்’ திரைப்படம் திரையரங்குகளில் அக்டோபர் 9ஆம் தேதி வெளியாக உள்ளதை அடுத்து இந்த படத்தின் புரமோஷன் பணிகள் விறுவிறுப்பாக நடைபெற்று வருகிறது.

இந்த நிலையில் சற்று முன் ‘டாக்டர்’ படத்தின் டிரைலர் செப்டம்பர் 27-ஆம் தேதி வெளியாகும் என தகவல்கள் வெளியாகியுள்ளது. இதனை அடுத்து சிவகார்த்திகேயன் ரசிகர்கள் இந்த படத்தின் டிரைலரை எதிர்பார்த்து ஆவலுடன் காத்திருக்கின்றனர் என்பது குறிப்பிடத்தக்கது.

சிவகார்த்திகேயன் ஜோடியாக பிரியங்கா அருள்மோகன் நடித்துள்ள இந்த படத்தில் வினய் வில்லனாக நடித்துள்ளார். மேலும் யோகி பாபு உள்பட பலர் நடித்துள்ள இந்த படத்திற்கு அனிருத் இசையமைத்துள்ளார்.