சிவகார்த்திகேயன் நடித்த ’டாக்டர்’ திரைப்படம் மார்ச் 26 ஆம் தேதி வெளியாகும் என ஏற்கனவே அதிகாரபூர்வமாக அறிவிக்கப்பட்டு அதற்கான போஸ்ட் புரடொக்ஷன் பணிகள் விறுவிறுப்பாக நடைபெற்று வந்தது என்பது தெரிந்ததே.

இந்த நிலையில் சற்று முன்னர் ’டாக்டர்’ படத்தின் தயாரிப்பு நிறுவனம் கேஜேஆர் ஸ்டுடியோஸ், ’டாக்டர்’ படத்தின் ரிலீஸ் தேதியை ஒத்தி வைத்துள்ளதாக அறிவித்துள்ளது. தமிழகத்தில் ஏப்ரல் 6-ஆம் தேதி தேர்தல் நடைபெற உள்ளதை அடுத்து ’டாக்டர்’ திரைப்படத்தின் ரிலீஸ் தேதி ஒத்தி வைக்கப்படுவதாகவும், சரியான ரிலீஸ் தேதி குறித்து ஆலோசனை செய்து வருவதாகவும், விரைவில் ரசிகர்கள் விரும்பும் ஒரு தேதியை அறிவிப்போம் என்றும் தெரிவித்துள்ளது.

தேர்தல் காரணமாக ’டாக்டர்’ ரிலீஸ் தேதி மாற்றப்படும் என்று வெளியான செய்தியை ஏற்கனவே நாம் பார்த்த நிலையில் அந்த செய்தி தற்போது உறுதி செய்யப்பட்டுள்ளது. சிவகார்த்திகேயன் ஜோடியாக பிரியங்கா மோகன் நடித்த இந்தப் படத்தை நெல்சன் இயக்கியுள்ளார். அனிருத் இசையில் உருவாகியுள்ள இந்த படம் சிவகார்த்திகேயன் ரசிகர்களின் மிகப்பெரிய எதிர்பார்ப்புக்குரிய படம் என்பது குறிப்பிடத்தக்கது