சிவகார்த்திகேயன் நடித்த ‘டாக்டர்’ திரைப்படத்தின் ரிலீஸ் தேதி கடந்த மார்ச் மாதம் என்றும் அதன் பின்னர் மே மாதம் என்றும் அறிவிக்கப்பட்டிருந்தது. ஆனால் தற்போது இந்த திரைப்படத்தின் ரிலீஸ் தேதி குறித்த அதிகாரபூர்வ அறிவிப்பு வெளிவரவில்லை. மேலும் இந்த படம் ஓடிடியில் ரிலீசாக போவதாகவும் ஒரு வதந்தி பரவி வருகிறது

இந்த நிலையில் ‘டாக்டர்’ ரிலீஸ் குறித்து தயாரிப்பாளர் கேஜேஆர் ராஜேஷ் அவர்கள் தனது சமூக வலைத்தளத்தில் குறிப்பிட்டுள்ளார். ‘டாக்டர்’ படத்தின் ரிலீஸ் தேதி குறித்து ரசிகர்கள் தொடர்ச்சியாக கேட்டு வருகின்றனர். நானும் ஒரு தயாரிப்பாளராக இந்த படத்தை சரியான தேதியில் ரிலீஸ் செய்வதற்கான முயற்சிகளை எடுத்துக் கொண்டுதான் வருகின்றேன்.

ஆனால் அதே நேரத்தில் நமது திரையுலக சொந்தங்கள் கொரோனாவால் உயிர் இழந்து கொண்டிருக்கும் இந்த நேரத்தில் ‘டாக்டர்’ ரிலீஸ் குறித்து சிந்திக்கவே என்னால் முடியவில்லை. முதலில் நமது நாடு கொரோனாவில் இருந்து மீளட்டும், அதன் பிறகு ‘டாக்டர்’ ரிலீஸ் குறித்து யோசிக்கலாம். அதுவரை தயவு செய்து அனைவரும் பாதுகாப்பாக குடும்பத்துடன் வீட்டிலேயே இருங்கள்’ என்று கூறியுள்ளார்.

#Doctor #DoctorUpdate #StaySafe ???? pic.twitter.com/FC1x0PJ4Kw

— KJR Studios (@kjr_studios) May 12, 2021