கால்மேல் கால், கையில் ரத்தம்: 'டாக்டர்' படத்தின் மாஸ் ஃபர்ஸ்ட்லுக்
- IndiaGlitz, [Monday,February 17 2020]
நடிகர் சிவகார்த்திகேயன் பிறந்தநாளை முன்னிட்டு இன்று அவருக்கு வாழ்த்துக்கள் குவிந்து வரும் நிலையில் சற்று முன்னர் அவர் நடித்து வரும் படங்களில் ஒன்றான ’டாக்டர்’ படத்தின் பர்ஸ்ட் லுக் போஸ்டர் வெளியாகியுள்ளது
இந்த போஸ்டரில் சிவகார்த்தியன் கால்மேல் கால் போட்டு அட்டகாசமாக உட்கார்ந்திருக்கும் வகையில் உள்ளது. மேலும் அவரது கையில் ரத்தக் கறையும் கால் அருகே டாக்டர்கள் உபயோகப்படுத்தும் காரணங்களும் இருக்கின்றன
இந்த ஃபர்ஸ்ட் லுக் போஸ்டர் இந்த படத்தின் கதையை ஓரளவு ஊகிக்கும் வகையிலும் ஃபர்ஸ்ட்லுக் போஸ்ட மிரட்டலாக இருப்பதாகவும் ரசிகர்கள் கருத்து தெரிவித்து வருகின்றனர்
’கோலமாவு கோகிலா’ பட இயக்குனர் நெல்சன் இயக்கி வரும் ‘டாக்டர்’ படத்தில் சிவகார்த்திகேயன் ஜோடியாக பிரியங்கா மோகன் நடித்து வருகிறார். மேலும் இந்த படத்தில் வில்லனாக வினய்யும் காமெடி கேரக்டரில் யோகிபாபுவும் நடித்து வருகின்றனர். அனிருத் இசையமைத்து வரும் இந்த படத்தை கேஜேஆர் ஸ்டுடியோஸ் நிறுவனம் தயாரித்து வருகிறது.