சிவகார்த்திகேயன் நடிப்பில் கடந்த 3 ஆண்டுகளாக டிசம்பர் மாதம் வெளிவந்த திரைப்படங்கள் தொடர்ச்சியாக வெற்றி பெற்று வருவதாக சிவகார்த்திகேயனின் ரசிகர்கள் சமூக வலைதளங்களில் குறிப்பிட்டு அதனை டிரெண்ட் செய்து வருகின்றனர்.

கடந்த 2017 ஆம் ஆண்டு ’வேலைக்காரன்’ திரைப்படமும், 2018 ஆம் ஆண்டு 'கனா' திரைப்படமும், 2019ஆம் ஆண்டு 'ஹீரோ' திரைப்படமும் டிசம்பர் மாதத்தில் வெளி வந்துள்ளன என்பது குறிப்பிடத்தக்கது.

இந்த மூன்று படங்களும் நல்ல வெற்றியை பெற்றுள்ளது என்று சிவகார்த்திகேயன் ரசிகர்கள் குறிப்பிட்டுள்ளது மட்டுமன்றி சமூகத்திற்கு தேவையான மூன்று முக்கிய விஷயங்களை இந்த படங்கள் உணர்த்தியுள்ளதாகவும் தெரிவித்துள்ளனர்.

’வேலைக்காரன் படத்தில் உணவுப் பொருள்களில் செய்யும் கலப்படம் குறிப்பும், கனா படத்தில் விவசாயம் மற்றும் விளையாட்டுத் துறையில் உள்ள பிரச்சனைகள் குறித்தும், ஹீரோ படத்தில் கல்வித்துறையில் உள்ள சீர்கேடுகள் குறித்தும் குறிப்பிடப்பட்டுள்ளதால் சமூக கருத்துகளை கூறி வெற்றி அடைந்த சிவகார்த்திகேயனை வாழ்த்துவதாகவும் அவரது ரசிகர்கள் குறிப்பிட்டுள்ளனர்.

தொடர்ச்சியாக மூன்று ஆண்டுகள் டிசம்பரில் வெற்றி பெற்று வரும் சிவகார்த்திகேயனுக்கு அடுத்த ஆண்டு டிசம்பரில் என்ன வெற்றிப்படம் வரும் என்பதை பொறுத்திருந்து பார்ப்போம்.