வரும் தீபாவளி அன்று சிவகார்த்திகேயன் நடித்த ’அயலான்’ கார்த்தி நடித்த ’ஜப்பான்’ மற்றும் கார்த்திக் சுப்புராஜ் இயக்கத்தில் உருவான ’ஜிகர்தண்டா 2’ ஆகிய மூன்று படங்கள் வெளியாகும் என அதிகாரப்பூர்வமாக அறிவிக்கப்பட்டுள்ளது. இந்த பட்டியலில் மேலும் ஒரு சில படங்கள் இணைய வாய்ப்பிருப்பதாகவும் கூறப்பட்டது.

இந்த நிலையில் தற்போது தீபாவளி ரேஸிலிருந்து சிவகார்த்திகேயனின் ’அயலான்’ திரைப்படம் பின்வாங்க வாய்ப்பு இருப்பதாக கூறப்படுகிறது. இந்த படம் இந்திய சினிமாவில் முதல் முறையாக அதிக கிராபிக்ஸ் காட்சிகளை கொண்டது என்றும், சுமார் 4500 கிராபிக்ஸ் காட்சிகள் இருப்பதாகவும் கூறப்படுகிறது.

இருப்பினும் கிராபிக்ஸ் காட்சிகள் பணிகள் தாமதம் ஆகி வருவதால் இந்த படத்தின் ரிலீஸ் தேதி தள்ளி வைக்கப்படலாம் என்று கூறப்படுகிறது. ஆனால் படக்குழுவினர் இதை உறுதி செய்யவில்லை.

இந்த நிலையில் கிராபிக்ஸ் பணிகள் முழு வீச்சில் நடந்து வருவதாகவும் தீபாவளி அன்று திரையிடுவதில் எந்த மாற்றமும் இல்லை என்றும் படக்குழுவினர் தரப்பில் இருந்து கூறப்படுகிறது.

சிவகார்த்திகேயனின் ’அயலான்’ திரைப்படம் தீபாவளி ரேசிலிருந்து பின்வாங்குமா அல்லது திட்டமிட்டபடி ரிலீஸ் ஆகுமா? என்பதை பொறுத்திருந்து பார்ப்போம்.