சிவகார்த்திகேயன் நடிப்பில் இயக்குனர் பிஎஸ் மித்ரன் இயக்கிய ’ஹீரோ’ திரைப்படம் சமீபத்தில் வெளியாகி நல்ல வரவேற்பை பெற்றதை அடுத்து அவர் தற்போது ஒரே நேரத்தில் இரண்டு படங்களில் நடித்து வருகிறார். ‘இன்று நேற்று நாளை’ இயக்குனர் ரவிக்குமார் இயக்கத்தில் உருவாகி வரும் ‘அயலான்’ என்ற படத்திலும் கோலமாவு கோகிலா பட இயக்குனர் நெல்சன் இயக்கி வரும் ‘டாக்டர் திரைப்படத்திலும் நடித்து வருகிறார். இந்த 2 படங்களின் படப்பிடிப்பு விறுவிறுப்பாக நடைபெற்று வருகிறது என்பது குறிப்பிடத்தக்கது

இந்த நிலையில் சிவகார்த்திகேயன் நடித்த ’ஹீரோ’ திரைப்படத்தின் தெலுங்கு டப்பிங் பணிகள் கடந்த சில வாரங்களாக நடைபெற்று வந்த நிலையில் இந்த படம் தற்போது ரிலீசுக்கு தயாராகிவிட்டது. ‘ஷக்தி’ என்ற டைட்டிலில் தெலுங்கில் டப் செய்யப்பட்ட இந்த படம் மார்ச் மாதம் 20ஆம் தேதி வெளியாக இருப்பதாக அறிவிக்கப்பட்டிருந்தது

தமிழைப் போலவே தெலுங்கிலும் இந்த படம் வெற்றி பெறும் என எதிர்பார்க்கப்படுகிறது. ஏற்கனவே பிஎஸ் மித்ரன் இயக்கிய முதல் படமான ’இரும்புத்திரை’ திரைப்படம் தெலுங்கில் வெளியாகி நல்ல வரவேற்பை பெற்றது என்பது குறிப்பிடத்தக்கது