நடிகர் தனுசுக்கு ’அசுரன்’ படத்தில் சிறப்பாக நடித்ததற்காக சிறந்த நடிகருக்கான தேசிய விருது நேற்று அறிவிக்கப்பட்டது என்பது தெரிந்ததே. இதனை அடுத்து தமிழ் திரையுலகம் மட்டுமின்றி இந்திய திரையுலகமே அவருக்கு வாழ்த்துக்களை தெரிவித்து வருகிறது

இந்த நிலையில் நேற்று மாலை 4 மணி அளவில் தேசிய விருதுகள் அறிவிக்கப்பட்ட நிலையில் அதற்கு முன்பு ஒரு சில மணி நேரங்களுக்கு முன் தனுஷ்க்கு அசுரன் படத்திற்காக தேசிய விருது கிடைக்கும் என நடிகர் சிவகார்த்திகேயன் கணித்து உள்ளார்.

முன்னணி ஊடகம் ஒன்று தனது ட்வீட்டரில் இன்று அறிவிக்கப்படும் தேசிய விருதில் யாருக்கு விருது கிடைக்கும் என்று நினைக்கிறீர்கள்? என்று டுவிட் ஒன்றை பதிவு செய்தது. அந்த டுவிட்டுக்கு பதிலளித்த சிவகார்த்திகேயன் ’அசுரன்’ படத்தில் தனுசுக்கு விருது கிடைக்கும் என்று கூறியிருந்தார்

அவர் கணித்தது போலவே அடுத்த சில நிமிடங்களில் தேசிய விருது அறிவிப்பு வந்தபோது ’அசுரன்’ படத்தில் சிறப்பாக நடித்ததற்காக தனுஷூக்கு தேசிய விருது என அறிவிக்கப்பட்டது. தனுஷுக்கு தேசிய விருது கிடைக்கும் என முன்கூட்டியே கணித்து இருந்த சிவகார்த்திகேயனுக்கும் தற்போது வாழ்த்துக்கள் குவிந்து வருகிறது
 

Asuran , Dhanush sir ??

— Sivakarthikeyan (@Siva_Kartikeyan) March 22, 2021