குக் வித் கோமாளி சீசன் 2 நிகழ்ச்சியின் ஹீரோவாக கிட்டதட்ட அஸ்வின் காணப்பட்டார் என்பதும் அவருடன் ஜோடி போட ஷிவாங்கி, சுனிதா, பார்வதி உள்பட ஒருசில கோமாளிகள் மிகுந்த ஆர்வம் காட்டினார் என்பதும் குறிப்பிடத்தக்கது.

அதுமட்டுமின்றி இந்த நிகழ்ச்சியின் காரணமாக இளம் பெண்களின் மத்தியில் அஸ்வின் பிரபலமாகி விட்டார் என்பதும் அதனை அடுத்த இந்த நிகழ்ச்சியின் கிடைத்த பிரபலத்தின் அடிப்படையில் அவருக்கு ஹீரோவாக நடிக்க வாய்ப்பு கிடைத்தது என்பது குறிப்பிடத்தக்கது.

இந்த நிலையில் குக் வித் கோமாளி சீசன் 3 நிகழ்ச்சியில் கலந்துகொள்ள இருக்கும் போட்டியாளர்களின் தகவல் சமீபத்தில் வெளியான நிலையில் தற்போது அதில் நடிகர் தர்ஷன் ‘குக்’ ஆக கலந்துகொள்ள இருப்பதாக கூறப்படுகிறது. சிவகார்த்திகேயன் நடித்து தயாரித்த ‘கனா’ திரை படத்தில் ஹீரோவாக நடித்தவர் நடிகர் தர்ஷன் என்பதும் அவர் சிவகார்த்திகேயனின் நெருங்கிய நண்பர்களில் ஒருவர் என்பது குறிப்பிடத்தக்கது. அதுமட்டுமின்றி சமீபத்தில் வெளியான ’ஒத்தையடி பாதையிலே தாவி ஓடுற’ என்ற தர்ஷன் பாடிய பாடலும் மிகப்பெரிய அளவில் ஹிட்டானது என்பதும் இதனால் அவருக்கு ஏராளமான ரசிகர்கள் கிடைத்தனர் என்பதும் குறிப்பிடத்தக்கது.

மேலும் அஸ்வின் போலவே இவரும் கோவையைச் சேர்ந்தவர் என்பதும் சினிமாவில் ஒரு இடத்தை பிடிக்க கடந்த பல ஆண்டுகளாக போராடி வருகிறார் என்பது குறிப்பிடத்தக்கது. எனவே குக் வித் கோமாளி நிகழ்ச்சி அஸ்வினுக்கு ஒரு பெரிய திருப்பத்தை கொடுத்தது போல் தர்ஷனுக்கும் அதே போன்று திருப்பத்தை கொடுக்குமா? என்பதை பொறுத்திருந்து பார்ப்போம்.