சிவகார்த்திகேயன் பின்பற்றும் நான்கு ரூல்ஸ்கள்
- IndiaGlitz, [Saturday,October 15 2016]
பத்து படங்கள் மட்டுமே நடித்த ஒருவர் மாஸ் நடிகர் பட்டியலில் இணைந்திருக்கும் அதிசயம் வேறு எங்குமே நடந்திருக்க முடியாது. ஆனால் இந்த அதிசயத்தை கோலிவுட்டில் நிகழ்த்தி காட்டியவர் சிவகார்த்திகேயன்
சிவகார்த்திகேயன் மிகக்குறுகிய காலத்தில் மாஸ் நடிகர் இடத்தை பிடித்ததற்கு அவர் பின்பற்றி வரும் 4 ரூல்ஸ்கள்தான் காரணம் என்று கூறப்படுகிறது. அவை 1. ஒரே நேரத்தில் ஒரு படத்தில் மட்டுமே கவனம் செலுத்துவது. 2. பணத்திற்காக மட்டுமே நடிக்க ஒப்புக்கொள்வதில்லை. 3. புகை பிடிக்கும் காட்சிகளில் நடிப்பதை தவிர்ப்பது. 4. சிவகார்த்திகேயன் படங்களை குழந்தைகள் அதிகம் பார்த்து ரசிப்பதால் அதிக ரத்தம் சிந்தும் காட்சிகளை தவிர்ப்பது. மேற்கண்ட நான்கு ரூல்ஸ்களையும் அவர் இனிவரும் படங்களில் தொடர்ந்து பின்பற்றுவார் என்று கூறப்படுகிறது.
இந்நிலையில் ரஜினிமுருகன், ரெமோ ஆகிய இரண்டு பிளாக்பஸ்டர் வெற்றி படங்களை அடுத்து மோகன்ராஜா இயக்கத்தில் உருவாகவுள்ள புதிய படத்தில் சிவகார்த்திகேயன் நடிக்கவுள்ளார். நயன்தாரா நாயகியாக நடிக்கும் இந்த படத்தின் படப்பிடிப்பு வரும் நவம்பர் 11-ல் தொடங்குகிறது.