கோலிவுட் திரையுலகின் முன்னணி நடிகர்களின் பட்டியலில் மிகக்குறுகிய காலத்தில் இடம்பிடித்த நடிகர் சிவகார்த்திகேயன். அவருடைய படங்களுக்கு நல்ல ஓப்பனிங் கிடைப்பதால் போட்டி போட்டி வியாபாரம் ஆகின்றது.

இந்த நிலையில் சிவகார்த்திகேயன் தற்போது பொன்ராம் இயக்கத்தில் 'சீமராஜா' என்ற படத்தில் நடித்து வருகிறார். சமந்தா நாயகியாக நடித்துள்ள இந்த படம் வரும் விநாயகர் சதூர்த்தி தினத்தில் வெளியாகும் என்று எதிர்பார்க்கப்படுகிறது. மேலும் அவர் விரைவில் எம்.ராஜேஷ் இயக்கவுள்ள படத்தின் படப்பிடிப்பில் கலந்து கொள்ளவுள்ளார்.

இந்த நிலையில் சிவகார்த்திகேயன் தயாரிக்கும் முதல் திரைப்படத்தை அருண்காமராஜ் இயக்கவுள்ளார் என்பதும், சத்யராஜ், ஐஸ்வர்யா ராஜேஷ் முக்கிய வேடத்தில் நடிக்கும் இந்த படத்தின் படப்பிடிப்பு விறுவிறுப்பாக நடந்து வருகிறது என்பதும் தெரிந்ததே. இந்த படத்தின் டைட்டிலுடன் கூடிய ஃபர்ஸ்ட்லுக் நாளை மறுநாள் அதாவது மே 15ஆம் தேதி வெளியாகவுள்ளது. இதுகுறித்த அறிவிப்பு சிவகார்த்திகேயனின் சமூக வலைத்தளத்தில் வெளிவந்துள்ளது.