'அயலான்' ரிலீஸ் மட்டுமல்ல, இன்னொன்றும்: ரசிகர்களுக்கு சிவகார்த்திகேயன் தரும் டபுள் ட்ரீட்..
- IndiaGlitz, [Sunday,November 26 2023]
சிவகார்த்திகேயன் நடித்த ’அயலான்’ திரைப்படம் வரும் பொங்கல் தினத்தில் வெளியாகும் என்று அறிவிக்கப்பட்டுள்ள நிலையில் அதே தினத்தில் அவர் நடித்து வரும் 'எஸ்கே 21’ படத்தின் டைட்டில் மற்றும் பர்ஸ்ட் போஸ்டர் வெளியாகும் என்று தகவல்கள் வெளியாகி உள்ளன.
சிவகார்த்திகேயன் நடிப்பில் ரவிக்குமார் இயக்கத்தில் உருவான ’அயலான்’ திரைப்படம் வரும் பொங்கல் தினத்தில் வெளியாக உள்ளதாக அறிவிக்கப்பட்டுள்ளது. இதே தினத்தில் தான் ரஜினிகாந்த் நடித்த ’லால் சலாம்’, தனுஷ் நடித்த ’கேப்டன் மில்லர்’, சுந்தர் சி இயக்கிய ’அரண்மனை 4’, விஜய் சேதுபதி நடித்த ’மெர்ரி கிறிஸ்துமஸ்’ ஆகிய திரைப்படங்கள் வெளியாகியுள்ளன.
இந்த நிலையில் பொங்கல் தினத்தில் சிவகார்த்திகேயன் தனது ரசிகர்களுக்கு ’அயலான்’ என்ற படத்தை விருந்தாக தர இருக்கும் நிலையில் அவர் தற்போது நடித்து வரும் ’எஸ்.கே 21’ படத்தின் டைட்டில் உடன் கூடிய ஃபர்ஸ்ட் லுக் போஸ்டரை வெளியிட திட்டமிட்டுள்ளனர். இதனால் ரசிகர்களுக்கு பொங்கல் தினத்தில் டபுள் விருந்து காத்திருக்கிறது என்பது குறிப்பிடத்தக்கது.
ராஜ்குமார் பெரியசாமி இயக்கத்தில் சிவகார்த்திகேயன், சாய் பல்லவி நடிப்பில் கமல்ஹாசன் தயாரிப்பில் உருவாகி வரும் இந்த படத்தில் ராணுவ வீரராக சிவகார்த்திகேயன் நடித்து வருவதாகவும் இந்த படத்தின் பெரும்பாலான காட்சிகள் காஷ்மீரில் படமாக்கப்பட்டுள்ளதாகவும் தகவல்கள் வெளியாகி உள்ளன.