கஜா புயல் பாதித்த மக்களுக்கு சிவகார்த்திகேயனின் நிதியுதவி
- IndiaGlitz, [Monday,November 19 2018]
இயற்கை பேரிடர் நிகழும்போதெல்லாம் அந்த பேரிடரால் துயரப்படும் மக்களின் துயர் துடைப்பதில் திரையுலகினர்களின் பங்கு மகத்தானது என்பதை நாம் அவ்வப்போது பார்த்து கொண்டு வருகிறோம். சென்னை வெள்ளம், கேரள வெள்ளம் ஆகியவற்றில் தமிழ் சினிமா நட்சத்திரங்களின் நிதியுதவி பெரும் உதவியாக இருந்தது என்பது குறிப்பிடத்தக்கது.
அதேபோல் தற்போது நிகழ்ந்துள்ள கஜா புயலால் பாதிக்கப்பட்ட மக்களுக்கு ஏற்கனவே சிவகுமார் குடும்பத்தினர் ரூ.50 லட்சமும், நடிகர் விஜய்சேதுபதி ரூ.20 லட்சம் மதிப்புள்ள பொருட்களும், நடிகர் ஜிவி பிரகாஷ் இரண்டு லாரிகளில் அத்தியாவசிய பொருட்களும் வழங்கியுள்ள நிலையில் தற்போது சிவகார்த்திகேயனும் தனது பங்கிற்கு நிதியுதவி மற்றும் பொருளுதவி செய்துள்ளார்.
கஜா புயலால் பாதிக்கபப்ட்ட மக்களுக்காக ரூ.10 லட்சத்தை முதல்வரின் நிவாரண நிதிக்கு வழங்கியுள்ள நடிகர் சிவகார்த்திகேயன், ரூ.10 லட்சம் மதிப்புள்ள நிவாரண பொருட்களையும் தனது ரசிகர்கள் மூலம் பாதிக்கப்பட்ட பகுதிகளுக்கு அனுப்பியுள்ளார். சிவகார்த்திகேயனின் இந்த உதவி பாதிக்கப்பட்ட மக்களுக்கு தகுந்த நேரத்தில் செய்யப்பட்ட பேருதவி என்பது குறிப்பிடத்தக்கது.