சிவகார்த்திகேயன் நடித்த ’டாக்டர்’ திரைப்படம் மிகப் பெரிய வெற்றி பெற்று 100 கோடி ரூபாய் கிளப்பில் இணைந்த நிலையில் அவருடைய அடுத்த திரைப்படமான ’டான்’ திரைப்படத்தின் ரிலீஸ் தேதி சற்றுமுன் அதிகாரபூர்வமாக அறிவிக்கப்பட்டுள்ளது.

சிபிசக்கரவர்த்தி இயக்கத்தில் சிவகார்த்திகேயன் நடிப்பில் உருவான ’டான்’ திரைப்படத்தின் படப்பிடிப்பு மற்றும் போஸ்ட் புரடக்ஷன் முடிவடைந்தது என்பதும் இந்த படம் பிப்ரவரி 14ஆம் தேதி காதலர் தினத்தில் வெளியாகும் என்றும் செய்திகள் வெளியானது.

இந்த நிலையில் தற்போது ’டான்’ திரைப்படம் மார்ச் 25ஆம் தேதி வெளியாக இருப்பதாக அதிகாரப்பூர்வமாக அறிவிக்கப்பட்டுள்ளது. சிவகார்த்திகேயனின் டுவிட்டர் பக்கத்தில் அட்டகாசமான வீடியோ உடன் ரிலீஸ் தேதி அறிவிக்கப்பட்டு உள்ளது என்பதும் இந்த படம் திரையரங்குகளில் உலகம் முழுவதும் வெளியாகும் என அறிவிக்கப்பட்டு உள்ளது என்பதும் குறிப்பிடத்தக்கது. ’டான்’ படத்தின் அதிகாரபூர்வ ரிலீஸ் தேதி வெளியானதை அடுத்து அவரது ரசிகர்கள் அதனை கொண்டாடி வருகின்றனர்.

சிவகார்த்திகேயன், பிரியங்கா அருள்மோகன், ஷிவாங்கி, சமுத்திரக்கனி, எஸ் ஜே சூர்யா, பாலசரவணன், சூரி உள்பட பலர் நடித்துள்ள இந்த படத்திற்கு அனிருத் இசை அமைத்துள்ளார். இந்த படத்தை லைகா மற்றும் சிவகார்த்திகேயன் புரோடக்சன் நிறுவனங்கள் இணைந்து தயாரித்து உள்ளன.
 

See you in theatres ???? #DONfromMarch25 #DON pic.twitter.com/qhjrtJkRe3

— Sivakarthikeyan (@Siva_Kartikeyan) January 31, 2022