'டான்' படத்தின் சூப்பர் அப்டேட்: சிவகார்த்திகேயன் ரசிகர்கள் குஷி!
- IndiaGlitz, [Friday,December 10 2021]
சிவகார்த்திகேயன் நடித்து வரும் ’டான்’ படத்தின் சூப்பர் அப்டேட் ஒன்று வெளிவந்திருக்கும் நிலையில் அவரது ரசிகர்கள் தற்போது குஷியில் உள்ளனர்.
சிவகார்த்திகேயன் நடிப்பில் சிபிசக்கரவர்த்தி இயக்கத்தில் உருவாகி வரும் ’டான்’ படத்தின் படப்பிடிப்பு கடந்த சில மாதங்களாக நடைபெற்று வந்தது என்பது குறிப்பிடத்தக்கது. இந்த நிலையில் இந்த படத்தின் படப்பிடிப்பு இன்றுடன் முடிவடைந்து விட்டதாக படக்குழுவினர்களிடம் இருந்து தகவல் வெளிவந்துள்ளது. மேலும் இது குறித்த புகைப்படம் ஒன்று வெளியாகி வைரலாகி வருகிறது என்பது குறிபிடத்தக்கது
இந்த நிலையில் இந்த படத்தின் போஸ்ட் புரொடக்ஷன் பணிகள் விரைவில் தொடங்கும் என்றும் வரும் பிப்ரவரி மாதம் இந்த படத்தை ரிலீஸ் செய்ய அதிக வாய்ப்பு இருப்பதாகவும் கூறப்படுகிறது.
சிவகார்த்திகேயன் ஜோடியாக பிரியங்கா அருள்மோகன் நடித்துள்ள இந்த படத்தில் ஷிவாங்கி, சமுத்திரக்கனி, எஸ் ஜே சூர்யா, பாலசரவணன், சூரி உள்பட பலர் நடித்துள்ளனர். அனிருத் இசையில் உருவாகியுள்ள இந்த படத்தை லைக்கா மற்றும் சிவகார்த்திகேயன் புரோடக்சன் நிறுவனங்கள் இணைந்து தயாரித்து உள்ளன என்பதும் குறிப்பிடத்தக்கது.