சிவகார்த்திகேயன் நடிப்பில் இயக்குனர் பிஎஸ் மித்ரன் இயக்கத்தில் சமீபத்தில் வெளிவந்த ஹீரோ திரைப்படம் பாசிட்டிவ் விமர்சனங்களை பெற்று தற்போது திரையரங்குகளில் வெற்றிகரமாக ஓடிவருகிறது

இந்த நிலையில் சிவகார்த்திகேயனின் அடுத்த படமான ‘டாக்டர்’ என்ற படத்தை கோலமாவு கோகிலா இயக்குனர் நெல்சன் இயக்க இருப்பதாகவும் இந்த படத்திற்கு அனிருத் இசை அமைக்கப்போவதாகவும் சமீபத்தில் அறிவிக்கப்பட்டது. சிவகார்த்திகேயன் தயாரிக்கும் இந்தப் படத்தின் படப்பிடிப்பு விரைவில் தொடங்கும் என்று கூறப்பட்டது.

இந்த நிலையில் தற்போது இந்த படத்தின் படப்பிடிப்பு விறுவிறுப்பாக நடைபெற்று வருவதாக தகவல்கள் வெளிவந்துள்ளது. மேலும் இந்த படத்தின் படப்பிடிப்பு பெரும்பாலும் இரவு நேரங்களில் நடைபெற்று வருவதாகவும் இந்த படத்தில் மருத்துவத்துறை குறித்த ஒரு முக்கிய பிரச்சனை மிக ஆழமாக அலசப்படுவதாகவும் படக்குழுவினர்களிடம் இருந்து தகவல் கசிந்துள்ளது

ஏற்கனவே மருத்துவத்துறையில் இருக்கும் பிரச்சனைகள் குறித்து பல திரைப் படங்கள் வந்திருந்தாலும் இந்தப் படம் இதுவரை யாரும் தொடாத ஒரு பிரச்சனையை அலசி இருப்பதாக கூறப்படுகிறது. இந்த படத்தின் முதல்கட்ட படப்பிடிப்பு நிறைவடையும் நிலையில் இருப்பதாகவும் இந்த படம் குறித்த மேலும் சில தகவல்கள் விரைவில் வெளியாகும் என்றும் தெரிகிறது