சினிமாத்துறையில் உள்ள பிரபலங்கள் தங்கள் வாரிசுகளை சினிமாவில் அறிமுகம் செய்வது வழக்கமான ஒன்றே. சிவாஜிகணேசனின் வாரிசுகள் முதல் விஜய்சேதுபதியின் வாரிசு வரை சினிமாவில் அறிமுகமாகி உள்ளனர்

இந்த நிலையில் கோலிவுட் திரையுலகின் மாஸ் ஸ்டார்களில் ஒருவரான சிவகார்த்திகேயன் மகள் ஆராதனாவும் தற்போது சினிமாவில் அறிமுகமாகியுள்ளார். ஆம், சிவகார்த்திகேயன் தயாரிப்பில் அருண்காமராஜ் இயக்கி வரும் 'கனா' என்ற படத்தில் ஆராதனா ஒரு பாடலை பாடியதன் மூலம் சினிமாவில் அறிமுகமாகிறார்.

இந்த படத்தில் 'வாயாடி பெத்த புள்ள' என்ற பாடல் இடம்பெறுகிறது. இந்த பாடலைத்தான் சிவகார்த்திகேயன் மகள் ஆராதனா பாடியுள்ளனனர். மேலும் இந்த பாடலை ஆராதனாவுடன் சிவகார்த்திகேயன் மற்றும் வைக்கம் விஜயலட்சுமி ஆகியோர்களும் பாடியுள்ளனர் என்பது குறிப்பிடத்தக்கது. இந்த பாடல் உள்பட இந்த படத்தின் அனைத்து பாடல்கள் நாளை வெளியாகவுள்ளது என்பது குறிப்பிடத்தக்கது