தமிழ் திரையுலகின் முன்னணி நடிகர்களில் ஒருவரான சிவகார்த்திகேயன் தற்போது ’டான்’ என்ற திரைப்படத்தில் நடித்து வருகிறார் என்பதும் இந்த படத்தை சிபிசக்கரவர்த்தி என்பவர் இயக்கி வருகிறார் என்பதையும் ஏற்கனவே பார்த்தோம்.

இந்த நிலையில் தற்போது இந்த படத்தின் படப்பிடிப்பு தொடங்கி விட்டதாகவும் இது குறித்த புகைப்படங்கள் இணையதளங்களில் வெளியாகி வைரலாகி வருவதாகவும் செய்திகள் வெளியாகி உள்ளது.

இந்த புகைப்படங்களில் சூரி பைக் ஓட்டுவது போன்றும் அவருக்கு பின்னால் சிவகார்த்திகேயன் பைக்கில் உட்கார்ந்து இருப்பது போன்ற காட்சிகள் படமாக்கப்பட்டுள்ளன. மேலும் சிவகார்த்திகேயன் கழுத்தில் ஒரு கேமரா இருப்பதை அடுத்து அவர் இந்த படத்தில் ஒரு போட்டோகிராபர் அல்லது பத்திரிகையாளர் வேடத்தில் நடிக்கலாம் என்று எதிர்பார்க்கப்படுகிறது. இந்த புகைப்படங்கள் தற்போது வைரலாகி வருகின்றன என்பது குறிப்பிடத்தக்கது.

சிவகார்த்திகேயன் ஜோடியாக பிரியங்கா மோகன் நடிக்கும் இந்த திரைப்படத்தில் எஸ்ஜே சூர்யா, சூரி, ஷிவாங்கி உள்பட பலர் நடித்து வருகின்றனர். அனிருத் இசையில் உருவாகி வரும் இந்தப் படத்தை லைக்கா மற்றும் சிவகார்த்திகேயன் புரடொக்சன்ஸ் நிறுவனங்கள் இணைந்து தயாரித்து வருகின்றன. இந்த படத்தின் அடுத்தகட்ட படப்பிடிப்பு பொள்ளாச்சியில் படமாக்கப்பட இருப்பதாகவும் தகவல்கள் வெளிவந்துள்ளன.