'அயலான்' படத்தின் சூப்பர் அப்டேட்: சிவகார்த்திகேயன் ரசிகர்கள் குஷி!
- IndiaGlitz, [Monday,February 15 2021]
சிவகார்த்திகேயன் நடித்து முடித்துள்ள ’டாக்டர்’ மற்றும் ’அயலான்’ ஆகிய இரண்டு திரைப்படங்களின் படப்பிடிப்பு முடிவடைந்து போஸ்ட் புரடொக்ஷன் பணிகள் விறுவிறுப்பாக நடைபெற்று வருகின்றன. ‘டாக்டர்’ படத்தின் ரிலீஸ் தேதி ஏற்கனவே அறிவிக்கப்பட்டுள்ள நிலையில் ’அயலான்’ படத்தின் ரிலீஸ் தேதியும் விரைவில் அறிவிக்கப்படும் என்று எதிர்பார்க்கப்பட்டது.
இந்த நிலையில் ’அயலான்’ படத்தின் சூப்பர் அப்டேட் ஒன்று சற்றுமுன் படக்குழுவினர்களால் வெளியிடப்பட்டுள்ளது. ’அயலான்’ படத்தின் முதல் சிங்கிள் பாடல் பிப்ரவரி 17ஆம் தேதி அதாவது நாளை மறுநாள் வெளியாகும் என அறிவிக்கப்பட்டுள்ளது. இசைப்புயல் ஏஆர் ரஹ்மான் அவர்களின் இசையில் உருவாகியுள்ள இந்த பாடல் மிகப்பெரிய அளவில் எதிர்பார்ப்பை ஏற்படுத்தி உள்ளது என்பது குறிப்பிடத்தக்கது. சிவகார்த்திகேயன், ரகுல் ப்ரீத்தி சிங் உள்பட பலர் நடித்துள்ள இந்த படத்தை ’நேற்று இன்று நாளை’ இயக்குனர் ரவிக்குமார் இயக்கியுள்ளார் என்பது குறிப்பிடத்தக்கது.
இந்த நிலையில் சிவகார்த்திகேயன் தற்போது ’டான்’ என்ற படத்தில் நடித்து வருகிறார் என்பதும் சிபிசக்கரவர்த்தி இயக்கி வரும் இந்தப் படத்தை லைக்கா நிறுவனம் தயாரித்து வருகிறது என்பது குறிப்பிடத்தக்கது.