பிரபல நடிகர்கள் நடித்த பழைய படங்களின் டைட்டிலை புதிய படங்களுக்கு வைப்பது கோலிவுட்டில் ஒரு டிரெண்டாக இருப்பது தெரிந்ததே. ஆனால் ஒரே நேரத்தில் இரண்டு ஹீரோக்கள் ஒரே டைட்டில் கொண்ட படத்தில் நடித்து வரும் தகவல் தற்போது வெளிவந்துள்ளது.

எழுத்தாளர் ஆனந்த் அண்ணாமலை இயக்கத்தில் நடிகர் விஜய் தேவரகொண்டா நடிக்கும் படத்திற்கு 'ஹீரோ' என்ற டைட்டில் வைக்கப்பட்டுள்ளது என்ற செய்தியை சற்றுமுன் பார்த்தோம். இந்த நிலையில் சிவகார்த்திகேயன் நடிப்பில் பி.எஸ்.மித்ரன் இயக்கவுள்ள படத்திற்கும் 'ஹீரோ' என்ற டைட்டில் வைக்கப்பட்டுள்ளது. ஒரே நேரத்தில் இரண்டு பெரிய ஹீரோக்களின் படங்களுக்கு 'ஹீரோ' என்ற டைட்டில் வைக்கப்பட்டுள்ளதால் ஏதாவது ஒரு படத்திற்கு டைட்டில் மாற்ற வாய்ப்பு இருப்பதாக கூறப்படுகிறது

சிவகார்த்திகேயன் ஜோடியாக கல்யாணி பிரியதர்ஷன் நடிக்கும் 'ஹீரோ' படத்தில் ஆக்சன் கிங் அர்ஜுன் முக்கிய வேடத்தில் நடிக்கவுள்ளார். கேஜேஆர் ஸ்டுடியோஸ் தயாரிக்கும் இந்த படத்திற்கு ஜார்ஜ் வில்லியம்ஸ் ஒளிப்பதிவும், ரூபன் படத்தொகுப்பும், யுவன்ஷங்கர் ராஜா இசையும் அமைக்கவுள்ளனர். இந்த படம் இவ்வருட இறுதியில் வெளியாகும் என தெரிகிறது.