கோலிவுட் திரையுலகின் முன்னணி நடிகர்களில் ஒருவராகிய சிவகார்த்திகேயன் நடிப்பில் உருவான 'சீமராஜா' திரைப்படம் வரும் செப்டம்பர் 13ஆம் தேதி உலகம் முழுவதும் பிரமாண்டமாக வெளியாகவுள்ளது. இந்த நிலையில் அவர் தற்போது 'இன்று நேற்று நாளை' ரவிகுமார் இயக்கத்தில் ஒரு படத்திலும், எம்.ராஜேஷ் இயக்கத்தில் ஒரு படத்திலும் நடித்து வருகிறார்.

இந்த நிலையில் இயக்குனர் திரு இயக்கத்தில் சிவகார்த்திகேயன் நடிப்பது போன்ற ஒரு புகைப்படம் சமூக வலைத்தளங்களில் வைரலாகி வருகிறது. இதனால் திரு இயக்கத்தில் சிவகார்த்திகேயன் நடித்து வருகிறாரா? என்ற கேள்வி அவரது ரசிகர்கள் மனதில் எழுந்துள்ளது.

இதற்கு இயக்குனர் திரு தனது சமூக வலைத்தளத்தில் விளக்கம் அளித்துள்ளார். சிவகார்த்திகேயனுடன் இணைந்து ஒரு டாகுமெண்டரி படத்தில் பணிபுரிந்து வருவதாகவும், ஒரு நல்ல காரியத்திற்காக இந்த பணியில் இருவரும் இணைந்துள்ளதாகவும் இதுகுறித்த விபரங்கள் மிக விரைவில் வெளியாகும் என்றும் இயக்குனர் திரு கூறியுள்ளார். கரும்பலகை, பள்ளி மாணவர்கள் இருக்கும் இந்த புகைப்படத்தை பார்க்கும்போது பள்ளி மாணவர்களுக்கான விழிப்புணர்ச்சி டாக்குமெண்ட்ரியாக இருக்கும் என கருதபப்டுகிறது.