பொன்ராம் இயக்கத்தில் சிவகார்த்திகேயன், சமந்தா நடித்து வந்த 'சீமராஜா' படத்தின் படப்பிடிப்பு முடிவடைந்து இந்த படம் வரும் வினாயகர் சதூர்த்தி தினத்தில் வெளியாகவுள்ளது. இந்த நிலையில் இயக்குனர் எம்.ராஜேஷ் மற்றும் இயக்குனர் ரவிகுமார் ஆகியோர்களின் இயக்கத்தில் சிவகார்த்திகேயன் நடிக்கவுள்ளதாக கூறப்பட்ட நிலையில் இன்று சிவகார்த்திகேயன் - ரவிகுமார் படத்தின் பூஜை இனிதே நடந்தது.

இந்த படத்தில் சிவகார்த்திகேயனுக்கு ஜோடியாக ரகுல் ப்ரித்திசிங் நடிக்கின்றார். மேலும் முக்கிய வேடங்களில் கருணாகரன், யோகிபாபு,, கலக்க போவது யாரு' புகழ் கோதண்டம் ஆகியோர் நடிக்கவுள்ளனர். ஆஸ்கார் நாயகன் ஏ.ஆர்.ரஹ்மான் இசையமைக்கும் இந்த படத்திற்கு நீரவ் ஷா ஒளிப்பதிவு செய்யவுள்ளார்.

24ஏம் ஸ்டுடியோஸ் நிறுவனத்தின் ஆர்.டி.ராஜா தயாரிப்பில் உருவாகும் இந்த படம் இயக்குனர் ரவிகுமாரின் முதல் படமான 'இன்று நேற்று நாளை' போலவே விஞ்ஞானம் சம்பந்தப்பட்டது என்பது குறிப்பிடத்தக்கது.