மீண்டும் 'அயலான்' இயக்குனருடன் இணையும் சிவகார்த்திகேயன்? தயாரிப்பது யார் தெரியுமா?
- IndiaGlitz, [Thursday,April 06 2023]
சிவகார்த்திகேயன் நடிப்பில் இயக்குனர் ரவிக்குமார் இயக்கத்தில் உருவாகி வரும் ’அயலான்’ திரைப்படம் கடந்த சில ஆண்டுகளாக உருவாகி வருகிறது என்பதும் இந்த படம் முடிவுக்கு வர இன்னும் பல கோடிகள் ஆகும் என்றும் கூறப்படுகிறது. எனவே இந்த படத்தின் பணிகள் தாமதம் ஆகி வருவதாக கூறப்படும் நிலையில் தற்போது மீண்டும் ஒருமுறை சிவகார்த்திகேயன் நடிப்பில் உருவாகும் படத்தை ரவிக்குமார் இயக்க இருப்பதாக கூறப்படுகிறது.
இந்த படத்தை சன் பிக்சர்ஸ் நிறுவனம் தயாரிக்க இருப்பதாகவும் இந்த படத்திற்கான ஆரம்ப கட்ட பேச்சு வார்த்தைகள் முடிந்து விட்டதாகவும் சிவகார்த்திகேயன் தற்போது நடித்து கொண்டிருக்கும் படங்களை முடித்தவுடன் ரவிக்குமாருடன் மீண்டும் இணைவார் என்றும் கூறப்படுகிறது.
அதேபோல் ’அயலான்’ திரைப்படத்தை முடிப்பதற்கு மிகப்பெரிய தொகை தேவைப்படுவதால் அந்த படத்தை முடிப்பதற்கும் சன் பிக்சர்ஸ் நிறுவனம் உதவி செய்யலாம் என்றும் கூறப்படுகிறது. இது குறித்த அதிகாரப்பூர்வ அறிவிப்புகள் விரைவில் வெளியாகும் என்று எதிர்பார்க்கப்படுகிறது.
நடிகர் சிவகார்த்திகேயன் தற்போது மடோன் அஸ்வின் இயக்கத்தில் உருவாகி வரும் ’மாவீரன்’ மற்றும் ராஜ்குமார் பெரியசாமி இயக்கத்தில் உருவாகி வரும் திரைப்படம் என பிஸியாக உள்ளார் என்பது குறிப்பிடத்தக்கது.