6 மாதங்களுக்கு சிவகார்த்திகேயன் தத்தெடுத்தது யாரை தெரியுமா?
- IndiaGlitz, [Wednesday,October 10 2018]
நடிகர் சிவகார்த்திகேயன் தனக்கு வரும் வருமானத்தின் ஒரு பகுதியை சமூக சேவைகளுக்கு செலவு செய்து வருகிறார் என ஏற்கனவே பல செய்திகள் வெளிவந்துள்ளது.
இந்த நிலையில் தற்போது அவர் ஒரு புலியை ஆறு மாதங்களுக்கு தத்தெடுத்த செய்தி ஒன்று வெளிவந்துள்ளது. சென்னை வண்டலூர் அறிஞர் அண்ணா விலங்கியல் பூங்காவில் உள்ள ஒரு வெள்ளைப்புலியை சிவகார்த்திகேயன் தத்தெடுத்துள்ளார். இனிவரும் ஆறு மாதங்களுக்கு அந்த புலிக்கு தேவையான உணவு உள்பட மற்ற செலவுகளுகாக அவர் ஒரு குறிப்பிட்ட தொகையை பூங்கா நிர்வாகிகளிடம் கொடுத்துள்ளதாக செய்திகள் வெளிவந்துள்ளது.
தற்போது 10 வயதாகும் அனு என்ற அந்த வெள்ளைப்புலி ஏற்கனவே சுற்றுப்பயணிகளை அதிகம் கவர்ந்த விலங்கு என்பது குறிப்பிடத்தக்கது. அரியவகை விலங்கினமான வெள்ளைப்புலியை தத்தெடுத்த சிவகார்த்திகேயனுக்கு பாராட்டுக்கள் குவிந்து வருகிறது.