சிவாஜி மணிமண்டப திறப்பு விழாவில் துணைமுதல்வருடன் கமல்-ரஜினி
- IndiaGlitz, [Sunday,October 01 2017]
நடிகர் திலகம் சிவாஜி கணேசன் அவர்களின் மணிமண்டபத்தை தமிழக துணை முதல்வர் ஓ.பன்னீர்செல்வம் அவர்கள் சற்றுமுன் திறந்து வைத்து சிவாஜி கணேசன் படத்திற்கு மாலை அணிவித்து மரியாதை செலுத்தினர். துணைமுதல்வர் ஓபிஎஸ் அவர்களுடன் அமைச்சர்கள் ஜெயக்குமார், கடம்பூர் ராஜூ, மாஃபா பாண்டியராஜன், பென்ஜமின் ஆகியோர்களும் சிவாஜி குடும்பத்தினர்களாகிய ராம்குமார், பிரபு, விக்ரம் பிரபு உள்பட பலரும் இந்த விழாவில் கலந்து கொண்டனர்
மேலும் இந்த விழாவில் கமல்ஹாசன், ரஜினிகாந்த் ஆகியோர்களும் கலந்து கொண்டனர். இந்த விழாவுக்காக அமைக்கப்பட்டிருந்த மேடையில் அமைச்சர் பெருமக்களுடன் கமல், ரஜினி ஆகியோர்களும் உட்கார்ந்திருந்தனர் என்பது குறிப்பிடத்தக்கது.
மேலும் இந்த விழாவில் நடிகர் சங்க தலைவர் நாசர், செயலாளர் விஷால் மற்றும் நிர்வாகிகளான பொன்வண்ணன்,கார்த்தி உள்ளிட்டோரும் கலந்து கொண்டனர். இந்த விழா கொட்டும் மழையிலும் சிவாஜி ரசிகர்களின் பெரும் ஒத்துழைப்புடன் தற்போது நடந்து வருகிறது.