நர்ஸ் வேடத்தில் சிவகார்த்திகேயன்?
- IndiaGlitz, [Monday,November 09 2015]
சிவகார்த்திகேயன், கீர்த்தி சுரேஷ் நடித்த 'ரஜினிமுருகன்' விரைவில் வெளியாகும் என எதிர்பார்க்கப்படும் நிலையில் இதே ஜோடி மீண்டும் இணையும் புதிய படத்தின் படப்பிடிப்பு சென்னை கோயம்பேடு மெட்ரோ ரயில் நிலையத்தில் நேற்று முன் தினம் தொடங்கியது என்பதை ஏற்கனவே பார்த்தோம்.
இந்நிலையில் சிவகார்த்திகேயன் இந்த படத்தில் நர்ஸ், வயதான பாட்டி உள்பட பலவிதமான பெண்வேடங்களில் தோன்றவுள்ளதாக கூறப்படுகிறது. நர்ஸ் வேடத்தில் சிவகார்த்திகேயன் தோன்றுவது ஒரு பாடலுக்கா? அல்லது படத்தின் கதையில் ஒரு கேரக்டரா? என்பது குறித்து தெரியவில்லை. ஹாலிவுட் மேக்கப்மேன்கள், சிவகார்த்தியனுக்கு நர்ஸ் வேடத்தை தத்ரூபமாக வரவழைக்க உள்ளனர்.
இன்னும் பெயரிடப்படாத இந்த படத்தை பாக்யராஜ் கண்ணன் இயக்கி வருகிறார். இப்படத்தை ஆர்.டி. ராஜா என்பவர் தனது 24 AM ஸ்டூடியோஸ் நிறுவனம் மூலம் தயாரிக்கிறார். அனிருத் இசையமைக்கும் இந்த படத்தில் சதீஷ் நகைச்சுவை வேடத்தில் நடிக்கின்றார். இந்த படத்தின் படப்பிடிப்பை .பிப்ரவரி 2016 இறுதிக்குள் முடிக்க படக்குழு திட்டமிட்டு இருக்கிறது.