తెలుగులో శివకార్తికేయన్ 'సీమ‌రాజ'
- IndiaGlitz, [Tuesday,January 29 2019]
రొమియో లాంటి ల‌వ్ ఎంట‌ర్‌టైన‌ర్ లో అద్బుతంగా నటించి తెలుగు ప్రేక్ష‌కులంద‌రి ప్ర‌శంశలు పొందిన శివకార్తికేయన్ హీరోగా, స‌మంత, కీర్తిసురేష్ లు హీరోయిన్స్ గా త‌మిళం లో ప్ర‌ముఖ నిర్మాత ఆర్.డి.రాజా 24ఏమ్ స్టూడియెస్ బ్యాన‌ర్ లో నిర్మించిన చిత్రం సీమ‌రాజ.
ఈ చిత్రం త‌మిళం లో విడుద‌ల‌య్యి క‌మ‌ర్షియ‌ల్ గా చాలా మంచి స‌క్స‌స్ ని సాధించింది. ఈ చిత్రానికి పొన్ర‌మ్ ద‌ర్శ‌కుడు. ఈ చిత్రాన్ని గ‌తంలో చాలా చిత్రాలు డిస్ట్రిబ్యూష‌న్, నిర్మాణం చేసిన ప్ర‌ముఖ నిర్మాత సాయికృష్ణ పెండ్యాల సాయికృష్ణా ఫిలింస్ ద్వారా తెలుగులో అనువాదం చేశారు.
ల‌క్ష్మి పెండ్యాల స‌మ‌ర్పిస్తున్న ఈ సీమ‌రాజ ని ఫిబ్రవరి 8న తెలుగులో విడుదల చేస్తున్నారు. డి.ఇమ్మాన్ సంగీతాన్ని అందించారు.