'தளபதி 66' படத்தில் மகேஷ்பாபு மகள்? இதோ ஒரு விளக்கம்
- IndiaGlitz, [Wednesday,October 06 2021]
தளபதி விஜய் நடிக்கவிருக்கும் 66ஆவது திரைப்படத்தில் தெலுங்கு சூப்பர் ஸ்டார் மகேஷ் பாபுவின் மகள் ஒரு முக்கிய கேரக்டரில் நடிக்க இருப்பதாக தகவல் வெளிவந்த நிலையில் இதுகுறித்து மகேஷ்பாபு தரப்பிலிருந்து விளக்கம் அளிக்கப்பட்டுள்ளது.
தளபதி விஜய் நடிப்பில் வம்சி இயக்கத்தில் தில்ராஜு தயாரிப்பில் உருவாக இருக்கும் ’தளபதி 66’ படத்தின் அதிகாரபூர்வ அறிவிப்பு சமீபத்தில் வெளிவந்தது என்பது தெரிந்ததே.
இந்த நிலையில் இந்த படத்தில் தளபதி விஜய்யின் மகளாக மகேஷ் பாபுவின் மகள் சித்தாரா நடிக்க இருப்பதாகவும் இதற்கான பேச்சுவார்த்தை நடந்து வருவதாகவும் வம்சி மற்றும் மகேஷ்பாபு ஆகிய இருவரும் நெருங்கிய நண்பர்கள் என்பதால் இது சாத்தியம் என்றும் பல்வேறு ஊடகங்களில் தகவல்கள் வெளியாகி வந்தன.
இந்த நிலையில் மகேஷ்பாபு தரப்பிலிருந்து அளிக்கப்பட்ட விளக்கத்தில் தற்போது வரை ’தளபதி 66’ படத்தில் சித்தாரா நடிப்பது குறித்து எந்தவிதமான பேச்சுவார்த்தையும் நடைபெறவில்லை என்று தெரிவிக்கப்பட்டுள்ளது. ஆனால் அதே நேரத்தில் விரைவில் மகேஷ் பாபு நடிக்கும் படத்தில் சித்தாரா அறிமுகமாவார் என்றும் அவரது வட்டாரங்கள் கூறுகின்றன என்பது குறிப்பிடத்தக்கது.